Popular Bible Verses from 1 Kɔ̀ɖéíntĩ̀ɔ̀ 7

Share

Ɓěǐn ɖá ɓɛ́ ɓě ké kɛ́ɛ́ mú nyuìn nyùìn, ɔ sèìn ɓě sɔ̃́ɔ̀ mɛ wɔ̃́ ɓó ti wè xwíníín hwɛ̀, ɓɛ́ ɓě ké ɓě mìɔùn xwáɖáún zà, ɓɛ́ ɓě ké ɓaà. Kɛɛ ɔ ɖǎ ná nìǐn, nìí, ɓě mɛ kpáìn xwaún ɖe, ɓɛ́ Sétɔ̃̀ ní kɔ̃̀ ɖà ɓě mú dɔ̃̌, ɔ jǔ ké ɓě se ɓě mìɔùn dyí kpɔ̃ɔ ɓɛ́ìn ɖe ní.

Gàaɔ̀ mɛ nyu ɖɛ ɓɛ́ ɔ mɔ̀ùn ɓéɖé ɓɛ́ ɔ ké nyuɛɛ ɓó ɔ gmààɔ̀ bìì. Ké kǎà màaɔ̀ mɛ nyuɛ ɖekè. Sepóɛɖé màaɔ̀ se ɔ mìɔùn nììn kpóɖó-dyùàɔ̀ kpé kɔ̃ún kɔ̃̀. Ɔ dyú-ɓǎɔ̀ kɔ̃̀ ɔ kpé kɔ̃ún. Ké kǎà dyú-ɓǎɔ̀ se ɔ mìɔùn nììn kpóɖó-dyùàɔ̀ kpé kɔ̃ún kɔ̃̀, kɛɛ ɔ gmààɔ̀ kɔ̃̀ ɔ kpé kɔ̃ún.

Gèɖèpɔ́ɔ̀ dɔ̃ ma ɓě. Ɓěǐn ɖá ɓɛ́ ɓě ké nyɔǔn-dyùɛ̀ gǐì jǔ.