Popular Bible Verses from 1 Kɔ̀ɖéíntĩ̀ɔ̀ 6

Share

Ɓě seɛ dyí dyuò kà ɓɛ́ ɓěɛ̀ kpóɖó-dyùàɔ̀ mɔ̀ Zùù Hwɛ̀ǐn-hwɛ̀ǐn nìà ɖé ɓě múɛɛ gbǒɛɛ̀? Ké Gèɖèpɔ́ɔ̀ mɔ̀ nyɔ nyí ma ɓě Zùù Hwɛ̀ǐn-hwɛ̀ǐnɔ̀. Ɓě se ɓě mìɔùn kɔ̃̀. Gèɖèpɔ́ɔ̀ ɖǎ ɓě dɔ̃. Ɔ jèɛɛ, ɓěɛ̀ kpóɖó-dyùàɔ̀ nyuu-ɖɛ̀ mɛ nyuɛ ɓɛ́ Gèɖèpɔ́ɔ̀ ké ɓàìn-ɓàìn dyé.

Ɓě seɛ dyí dyuò kà se-dyí-sɛ́ɖɛ́ìn-nyɔ̀ ɓěɔ̀ se ɖé Gèɖèpɔ́ɔ̀ kã́á-ɓòɖòɔ̀ kɔ̃ pá ɖò kɔ̃̀ɔ̌ muɛɛ̀? Ɓěǐn wɔ̃́ ɓɛ́ nyɔ ɖò ké ɓě cá. Gbàɖàùn-po-nyɔ̀ mɔɔ kũùn-kpò-ɓiè-nyɔ̀ mɔɔ gmaɖe-po-nyɔ̀ mɔɔ nyɔ ɓě nyuà wa mǔè dɛ̃-ɖɛ̀ bũ̌ɛ mɔɔ nyɔ ɓě wɔ̃́à ɓɛ́ wa kéà wa bũ̌ nyuɛ mɔɔ dyíɖíí-nyɔ̀ mɔɔ ɖɛ-séín-mɔ́-nyɔ̀ mɔɔ nɔmɔɔ-ná-nyɔ̀ mɔɔ nyɔ-wuɖuún-ɖaɓa-nyɔ̀ ɔ kè nyɔ-ɖɛ-gana-xwa-zàìn-nyɔ̀ ɓěɔ̀ ɖò se pá ɖò ɖé Gèɖèpɔ́ɔ̀ kã́á-ɓòɖòɔ̀ kɔ̃ ɓéɖéɛ mu fɔɔ.

Ɓě mɛ fɛ̃̀ìn gbàɖàùn-po-po dyi ti séín. Nàmàǔn tɔ̀ɔ̀ séín ɓɛ́ nyɔǔn nyuɛɛ, wa seɛ wa mìɔùn nììn kpóɖó-dyùàɔ̀ bũ̌ nyu. Kɛɛ gbàɖàùn-po-nyɔ̀ɔ̀ nyu ɔ mìɔùn nììn kpóɖó-dyùàɔ̀ nàmàǔn bũ̌.

Ɓě ɖá, “À ɓéɖé kpé ɓɛ́ à ké ɖɛ séín nyu.” Ǹdye, kà ɔ nì, kɛɛ ɖɛ ɓěɔ̀ séín ní kpá ná nyɔ gbo. Ḿ ɓéɖé kpé ɓɛ́ ḿ ké ɖɛ séín nyu jǎà jɛ́ɛ́, kɛɛ ḿ se ɖɛ séín ɖòɛ̀ gǐì jǔɛ mu.

Gèɖèpɔ́ɔ̀ sɔ̀ìn ma Bounɓoɔ̀ dyí, ké ɔ kpéɔ̀ mu à mɔ̀ùn dyí sɔ̀ìn ɖekè.