Popular Bible Verses from 1 Kɔ̀ɖéíntĩ̀ɔ̀ 8

Share

Kɛɛ Gèɖèpɔ́ɔ̀ nì dyúáɖò ɓó à mɔ̀ùn bìì. Ɔ mɔ̀ à Ɓǎ, nyɔ kɔ̃̀ mú ɓɛ́ à dyéà ɖɛ séín nyɛ, ké nyɔ kɔ̃̀ bìì ɓɛ́ à nìà kɛ. Ké Bounɓo dyúáɖò nyɛ̀nɛ̀ɛ̀ nì. Ɔ mɔ̀ Jízɛ̀ Kɛ́ɖɛ́ì. Ɖɛ séín dyììn ɖé ɔ mú. Ké à mɔ̀ùn cĩ́ dyììn ɖé ɔ mú.

Ɖɛ ḿ mɛ cɛ̃ ɓá ɖii-ɖɛ̀ wa ɖǎ kũùn-kpò gbo sáa zàìn nyɛɛ jè dyíɛɛ, ɔ kɛ̀. À dyuòɛ̀ kà à séín ɓéɖé fɔ̀nɔ̀-hwòɖǒɛ. Hwòɖǒ-fɔ̀nɔ̀-fɔ̀nɔ̀ ɓúáìn nyɔ dyí, kɛɛ ɖɛ̀ɓɛ̀ǐn-ɖɛ̀ɓɛ̀ǐn kùìn nyɔ dyi. Nyɔ ɖò dyiɛ hwìɖǐi poìn kà ɔ dyuò ɖɛ kɛɛ ní, ɔ séèɛ̀ dyí dyuò ke kà ɔ ɓéɖé ɓɛ́ ɔ kéɛ dyí dyuòɛ̀ nyuɛ.

Ɔ jèɛɛ, ɖɛ ḿ ɖiɛɛ jè dyiɛ nyu ké ḿ ɖííɔ̀ dyi ɓuɖuín, ḿ se dyɛ suaɖɛ̀ ɖò ɖiɛ́ mu ɖe, mɔ́ún kɔ̃̀ɔ̀ ɖà nyuín, ḿ ɖííɔ̀ ní kɔ̃̀ ɖà ɓuɖu.

Kɛɛ ɓě mɛ ma mú, ɓɛ́ kpé ɓɛ́ ɓě ɓéɖéà kɛɛ ní kɔ̃̀ɔ̀ ɖà nyu ɓɛ́ nyɔ ɓě seà dyi kuɛɛ ké ɓuɖu.