Popular Bible Verses from Provérbios 2

Share

Chamáñaje Pangarádejnai Dupade uté u uje guẽrate payuquetotiguei ome uyoque gu. Enga pirajatigade ome cuchade jé cãra rome ñane mu ore garani pibijnate chojmára nanique enga Dupade pijnani u garani.

Yababi á, o bajnéngu yuruode udojo quigode jnese jne. Añuru guio iji báyipie ajei yiroquéode quigode udojo ome ua. Enga achẽre bangoninguinone gáyode to ome payuquetotiguei ujetiga angári to. Ajuéga báyipie tome pirajatíga uréone udore to. Atai Dupade ome pirajatigai, payuquetotiguei ore ga ejna baguesi ome bacatecãraitigade. Acué yojningane cucha udore ga edúji bajei ga báyipieraque ca déji cucha uñéngome. Chamáñaje pirajatigai, payuquetotiguei ore gajnúone u cucha oreranguipísode uje pipoguiécho marínga, jé ucuesórone ore chise. Chamáñaje ujetiga ese pirajatigai, payuquetotiguei ore enga a araja Pangarádejnai iyiejnáringuejnái quigode to. Jé isocai u ome ua uje quene Dupade úringai piyaque jogadi u ome ua to jne.

Pangarádejnai Dupade chatapísaja ayoré uréone ore enga chisi ome payuquetotiguei ome ore gatuaque, enga chañuru ayoré ate arégode ore guio ome cucha dacadode jnese. Enga Pangarádejnai Dupade chatapísaja udore ore to uje que ore chimoque deréjnarique ome dapesudode Dupade acho. Enga chajire ayoré ũrepísode ore yui gatuaque to.

Udore ore uje ore jogadípise pate arégode gatuaque ga a jogate ore to iji yocuniri tudé erãpe, enga a ore nína raque jne aja dajesúode. Jé basa ga Pangarádejnai Dupade a cho pore pijniméji ayoré ate gajnaréngone udore ore jne uje jecucha ore chó Dupade ojningane cucha gáyode jnese gu. Enga a tṍra ore aja dajuyaquérique jne.

Jé chopo rĩ ujetiga ese payuquetotiguei enga a chequé quedéjnaraque potárasa jeta chãra ua ome daru noñatígo jeta chojninga: "Yipota jeta yimóji bari iji gajneri." Mu a araja uaté uru noñángone qui, enga a cho ujetiga payuquetotiguei chejñu ua iji uaté jmainie. Uje qué gapu uaté nanique ga chóji dabai gari nanique ga chojningame Dupade nanique: "Dupade á, yabai tudé a jé ca yiyágopo ñane jne rĩ jé aja yeruénique," mu uaté chicadígui daru cásodicáite iji dáringa casica gapu ga chucué jnani quedéjnane ome re.