Popular Bible Verses from Provérbios 1

Share

Pirajatigai quene chise ayorérique uje angoninguite guesaque ayorei uté gosi ome Pangarádejnai Dupade. Mu táyipieque udore ore jnese uje ore chetaque dáringáringo pacadique, enga ore cho cucha bisidéguiji áyipierane ore uru quigode. Yababode uaque á, ujetiga bayé cho baquique ome cuchade enga angári bayé ojningane udore. Jé cho baté acajnaquéode ome ua, jé ca acháji siñéngome ua to.

Ujetiga gosi agúpurangóme cuchade jnese, mu gosi chetaque eti ujórique ayoré cho quique ome cucha agúpuraníque, mu a gosi chuninarásome eti gosi toi ome dojningárique cucha uje chiese chiraja mu cachi gosi urúo. Adi jé upome ayoré turuturéode ore rĩ uje ore uturuturéringane chequésãre ore to. Mu uté gosi uje tangári payuquetotiguei uyu enga a uté gosi u jne ujetiga pajesereringai jogadípise uté gosi jne iji deréjnane jnese. Enga a uté gosi ca tãrarápome dasadodéringane gajnetique cucha jne rĩ, uje chiraja gu uje chañuru deo ome darosobádode cucha."

Ujetiga irajataque gosi enga áyipierãque gosi te rĩ, enga a gosi tangári yarecujaidie quigode jne. Enga irajatigai a chajnerame re jne, jé aja date arégode ore. Enga jé u jne ujetiga chise dáringárique áyipieranguipíse.

Yabi á, ujetiga cucha gajnaréngone ipesusórone ore chãra ua enga ore chojninga: "Uerate erámone jogosórone cucha" marínga, ca amíninga ore icotade udore cucha ome ua.

Salomón uyu enga yarecujaidie quigode u udojo ome yurasade. Uje yai u israélgosode eduguéjna cuchábi David nanique. Enga jé yo yai to ga eduguéjna yu to ome yurasade israélgose ore. Yipésu yarecujaidie udire gu ujetiga payuquetotiguei déji yurasade ore to. Yigaidi tupo rĩ ujetiga yarecujaidie udire cho quique cuchade to ome yurasade ore. Yipota jeta yátaja yurasade ome pacajnaqué obiréjnane uje que piraque ga ore chachietáji quigode to. Yurúsãre udojo gu ujetiga yurasade chajire enga irajataque ore to ome cuchade, enga upo rĩ ujetiga ca paringaquérique déji ore ajénique ome ore ujórigo ayoréo, jé upo rĩ ujetiga ũrépise gosi ome daruode quigode. Enga yáyipie jogadípise jnacarode ore to ujetiga ore chajire yarecujaidie udire enga áyipierãque ore to uje cáma ore chijnime payuquetotiguérique ãrírique gu. Enga a quene ore chiraja dasoca arégode to ome yurusarane udojo to jeta ore chajire quigode.

Payuquetotiguei qué jnopo daruode údi rĩ ome ore ga chojninga: "A agúsoji uacajnenie pujuré jmainie marínga, a abichoi jórogui yu jne mu a jé yate jne ujetiga jé ca yosõre uágome payuquetotiguérique. A acueyo jórogui yu iji erámi údode jnese jne marínga, a jé ca esópo yu jne rĩ. Chamáñaje uacadojnóchoja payuquetotiguei diríca ga que apótayo jetiga ajuécho uágome Pangarádejnai Dupade to diríca.