Popular Bible Verses from 1 JUAN 5

Share

Jamajjeya eseya jjeya meteama Eyacuiñajjinijje mimipoquiani. Esejaya eba eseya oja ejjashahuabaquijji jayojja mimime poajo ohuaya shajja-ajjacani.

Jamaya eseya jjabaquiani Eyacuiñajjiya eseja mimicuana shajja-ajjacani. Esejaya eba pea-ai ohuaya eseja mimi jayojja acapoquije.

Eyacuiñajji seja queajea acapoquijji jama ba'a: Oja esohui etehuecuanajo se jjashajja-ajjaquicapoquijji. Oja esohui etehuecuana queacamajanee pojjeama poani oya jayojja eba'epoquijji. Bacue, ojjaña joya e'ejojonei Eyacuiñajjija bacua ojaya'yo poanicuaa jiquio meshijo nequica dejjaja ejjashahuabaquijji queamimishi cajaanei acapoqui'yani. Jamajjeya joya oja esohuijo queaja'a jjashahuabaquianiya jiquio meshijo nequicaja ejjashahuabaquijji queamimishi cajaa acapoqui'yani.

Jamajjeya ojjaña joya Eyacuiñajjija Bacuaejjajo jjashahuabaqui'yanicuana ba'etiitiije'yo onijje Eyahuasijje. Joya Eyacuiñajjija Bacuaejjajo jjashahuabaquiajjacuana ca Eyacuiñajjinijje eba'etiitii'yojji pojjeamatii poaje.

Eyaya quiana ojjaña joya Eyacuiñajjija Bacuaejjajo jjashahuabaqui'yanicuana jiquio esohui tehueaña miquianajaya queaja'a ebajji e'ejojonei ba'etiitiije'yo quiana onijje Eyahuasijje quijje.

Esejaya eba ojjaña joya Eyacuiñajjija bacua poani ojaya'yocuana queamimishitii ba'epoqui'yoajja Eyacuiñajjija Bacuaejjaa oya nahuecapoquianijjejojoya. Jamajjeya oya edosiquianaja queamimishitii epomeepoquiajji pojjeama po'yani.