Popular Bible Verses from من الإنجيل – عن مرقُس 4

Share

قام فاق سيّدنا وأمَر الريح والموج وقلُّن: "إهدي! اجمَدي!" قامِت هِديِت العاصفة وصار هدوء تام. فسألُن لحوارييه: "شو بِكُن! إنتو ليه خايفين؟ بعد لهلّأ ما آمنتوا ووثقتوا فيّي؟"

بس هنّ ماتوا من الرعبة أكتر، وصاروا يسألوا بعضُن: "كيف هيك! مين هوّ هالإنسان! شو سِرُّه حتّى الريح والبحر بطيعوه"؟

بسّ سيّدنا عيسى كان حاطِط راسُه عالمخَدّة وغِرقان بالنوم. فيّقوه حوارييه وهنّ مرعوبين وعم بقولولُه: "يا فضيلة المْعلّم، مش هامَّك إنّه عم نِغرَق؟"

وتوجَّه بالحديث سيِّدنا عيسى (سلامُهُ علينا) لأتباعُه وقلُّن: "افهّموا منيح شو عم تسمعوا من تعاليم الله، وطبقوها عالأخير، وبالحياة قد ما بتعطوا الناس منها الله بزيدكُن، ومع تعاليمي قدّ ما بتاخدوا وبتطبقوا الله رح بوفِّرها إلكُن أكتر.

كمّل حَديثُه سيّدنا بِمتَل وقال: "والمملكة الربّانيّة مِتْلا متل الأرض الطيّبة الخصبة ومتل المُزارِع يلّي بيِزرَع البِذر فيها وبيِترِكها المسا وبس يقوم الصبح بلاقي هالبذِر نبَت وطُلِع والمُزارِع ما بيَعرِف كيف!

وهلأ رح قِلكُن: "يلّي بدُه يِفهَم بيِفهَم"