Popular Bible Verses from من الإنجيل – عن مرقُس 5

Share

فقلها: "يا عزيزتي، إيمانِك فيّي هوّ يلّي شفاك، روحي كفّي حياتِك، خَلَص ارتحتي من العذاب".

وكان فيه ستّ مريضة بين هالناس الّي حواليه، مَعا نزيف من شي 12 تنعشر سنة، وما خلِّت حكيم إلاّ ما شافِتُه، وصَرفِت كلّ شي معا، وما استفادِت أبداً بالعكِس، حالِتا صارت أسوَأ.

وبذات اللحظة، وقِف نزيفا، وحسِّت حالا شِفْيِت من مرضا.

ومَسَك إيدا وقلّا: "قومي يا بنت".

وبين ما كان سيِّدنا عم يحكي مع المرَة، إجا ناس من بيت المسؤول يلّي بنتُه مريضة وقالولُه: "ما في داعي بقى تعذّب فضيلة المعلّم، بنتَك ماتِت." بس سيِّدنا ما اهتَمّ لكلامُن، وقال للمسؤول: "ما تخاف! إنتَ بس آمِن فيّي."

وقام سيّدنا مشي بإتّجاهُه وأمر الجنّ يلّي ساكنُه وقلُّه: "طلاع يا جنّي من هيدا الرجّال! اتركُه!!" وقام الرجّال صار يتلوّى وصار يحكي بصوت الجنّي ويقول: "يا عيسى، الإبن الروحي لألله تعالى، دخيلّك اتركني بحالي! بحلفَك بالله ما تعذّبني! فسأل سيّدنا الجنّي وقلُّه: "شو إسمَك؟" جاوبُه: "إسمي جيش لأنُّه نحنا كتار."