Popular Bible Verses from OKUBALA 14

Share

Ekikulu, muleme kujeemera Mukama, wadde okutya abantu abali mu nsi eyo, kubanga kijja kutwanguyira okubawangula, nga bwe twanguyirwa okulya emmere. Bo ekibadde kibakuuma, kimaze okubaggyibwako, naye ffe Mukama ali wamu naffe. N'olwekyo temubatya.”

‘Nze Mukama, ndwawo okusunguwala, nnina okwagala kungi, nsonyiwa ebibi n'obujeemu, naye sirema kubonereza muntu olw'omusango gw'azzizza. Era mbonereza abaana n'abazzukulu, okutuusa ku zzadde eryokusatu n'eryokuna olw'ebibi by'abazadde baabwe.’

Oba nga Mukama atusiima, ajja kutuyingiza mu nsi eyo engimu era engagga, agituwe.

Kyokka omuweereza wange Kalebu, kubanga ye endowooza ye ya njawulo, era annywereddeko n'omutima gwe gwonna, ndimutuusa mu nsi gye yalambula, era ezzadde lye lirigiweebwa.

Mubagambe nti: ‘Nze Mukama ndayira nti nga bwe Ndi omulamu, nja kubakolako nga bwe mpulidde ebyo mmwe mwennyini bye mwogedde.

Mukama n'agamba Musa nti: “Abantu bano balituusa wa okunnyooma? Era balituusa wa obutanneesiga, wadde nga nkoze ebyewuunyo ebyo byonna mu bo?

Ne beemulugunyiza Musa ne Arooni, ekibiina kyonna ne kigamba nti: “Singa nno twafiira mu nsi y'e Misiri, oba waakiri mu ddungu muno!

Yoswa mutabani wa Nuuni, ne Kalebu mutabani wa Yefunne, abaali mu abo abaaketta ensi eyo, ne bayuza ebyambalo byabwe olw'okunakuwala, ne beecwacwana, ne bategeeza ekibiina kyonna eky'Abayisirayeli nti: “Ensi gye twayitamu ne tugiketta, nsi mpitirivu obulungi.

Naye mazima ddala, Nze Mukama ndayira nti nga bwe ndi omulamu, era ng'ensi yonna bw'ejjula ekitiibwa kyange, kale ku bantu abo abaalaba ekitiibwa kyange n'ebyewuunyo bye nakolera mu Misiri ne mu ddungu, naye ne bantawaanya emirundi n'emirundi, era ne banjeemera, mazima tewaliba n'omu ku bo, abo abannyooma, aliraba nsi gye nalayirira bajjajjaabwe.