Popular Bible Verses from 2 ABAKORINTO 4

Share

Amaaso gaffe tetugatadde ku ebyo ebirabika, wabula ku ebyo ebitalabika. Ebyo ebirabika bya kaseera buseera, naye ebyo ebitalabika, bya lubeerera.

Newaakubadde ng'obulamu bwaffe obw'omubiri bugenda buseebengerera, naye obulamu bwaffe obw'omwoyo bufuulibwa buggya buli lunaku, kyetuva tulema okuddirira. Okubonaabona kuno okutono era okw'akaseera obuseera, kututeekerateekera ekitiibwa ekinene ekitaliggwaawo, era ekitageraageranyizika.

Tubonaabona mu buli ngeri, naye tetubulwa bwekyusizo. Tusoberwa, naye tetuggwaamu ssuubi. Tuyigganyizibwa, naye tetwabulirwa. Tumeggebwa, naye tetubetentebwa.

Naye ffe abali ng'ebibya eby'ebbumba, ffe tulimu ekyo eky'omuwendo ennyo, okulaga nti obuyinza bwonna bwa Katonda, sso si bwaffe.

Be bo abatakkiriza, Sitaani omufuzi w'ensi eno be yaziba emitima, n'abaziyiza okukkiriza era n'okulaba ekitangaala ky'Amawulire Amalungi ag'ekitiibwa kya Kristo, alabirwamu ekifaananyi kya Katonda.

Katonda eyalagira ekitangaala kyake awabadde ekizikiza, ye yayaka mu mitima gyaffe okuleetera abantu ekitangaala, bamanye ekitiibwa kya Katonda, ekirabikira mu Kristo.