Popular Bible Verses from 1 ABAKORINTO 15

Share

N'olwekyo baganda bange abaagalwa, mubenga banywevu, era abatasagaasagana, mweyongerenga bulijjo okukola omulimu gwa Mukama waffe, kubanga mumanyi nti okufuba kwammwe nga mukolera Mukama waffe, si kwa kufa bwereere.

Kyokka Katonda yeebazibwe, atuwanguza ffe ku lwa Mukama waffe Yesu Kristo.

Temulimbibwalimbibwanga, kubanga “Emikwano emibi gyonoona empisa ennungi.”

Naye olw'ekisa kya Katonda, kyenva mbeera nga bwe ndi kaakano, era ekisa kye yankwatirwa tekyafa bwereere. Nakola nnyo okusinga abatume abalala bonna, naye si nze nakola, wabula ekisa kya Katonda ekiri nange kye kyakola.

“Ggwe Kufa, obuwanguzi bwo buluwa? Ggwe Kufa, obuyinza bwo obulumya buluwa?” Obuyinza bw'Okufa obulumya buva mu kibi, n'amaanyi g'ekibi gava mu mateeka.

Ka mbabuulire ekyama: si ffenna abalifa, naye eŋŋombe ey'enkomerero bw'erivuga, ffenna tulifuukira mu kaseera katono, ng'ak'okutemya n'okuzibula, kubanga eŋŋombe erivuga, n'abafu balizuukizibwa, nga tebakyaddayo kufa, era ffenna tulifuuka.

Kuba ng'okufa bwe kwaleetebwa omuntu, era n'okuzuukira kwaleetebwa muntu. Kuba ng'abantu bonna bwe bafa olw'Adamu, era bwe batyo bonna balifuuka balamu olwa Kristo

Kubanga omubiri guno oguvunda, gwa kufuuka ogutavunda, era omubiri ogufa, gwa kufuuka ogutafa.

kubanga Kristo ateekwa okufuga okutuusa lw'alirinnyirira abalabe be bonna. Omulabe we alisembayo okuzikirizibwa, ye Kufa