Popular Bible Verses from VHAKOLOSA 3

Share

Ni songo fhelelana mbilu, ni songo farana nga mbilu, ni hangwelane unga na Muṋe washu o ni hangwela.

Livhisani mbilu dzaṋu kha zwa ngei ṱaḓulu, hu si kha zwa fhano fhasi.

Na tshini tshine na ita ni shume nga mbilu yoṱhe, ni nge ni itela Muṋe washu hu si vhathu

Ndi zwone-ha vhunga no nangiwa nga Mudzimu, ni vhakhethwa vhawe vhane a vha funa, ambarani-ha tshilidzi na vhuthu na u ḓiṱukufhadza na vhulenda na u sa fhela mbilu.

Ipfi ḽa Khristo na lupfumo lwaḽo lwoṱhe kha ḽi fhaṱele kha inwi, ni vhe na vhuṱali ha u kona u funzana na u layana. Ni imbele Mudzimu dziphisalema na nyimbo dza u mu renda na dzine na funzwa nga Muya, ni tshi imba nga mbilu dzi livhuhaho. Na tshini tshine na amba kana u ita, ni tshi ite nga dzina ḽa Muṋe washu Yesu, ni tshi livhuha Mudzimu Khotsi ngae.

Hone tshihulwane tshi fhiraho zwoṱhe ndi uri ni funane. Lufuno ndi yone mbofho i ni vhofhekanyaho na vha na vhuthihi ho khunyelelaho.

Vhunga zwino no no vuswa vhafuni na Khristo, lwelani-ha zwa ngei ṱaḓulu he Khristo a dzula thungo ya tshanḓa tshauḽa tsha Mudzimu a tshi vhusa nae.

Tshi vhusaho mbilu dzaṋu kha u vhe mulalo wa Khristo, vhunga no vhidzelwa mulalo, ní miraḓo ya muvhili muthihi. Dzulani-ha ni tshi livhuha Mudzimu.

Vhulahani-ha zwoṱhe zwa fhano shangoni zwine zwa nga ḓi ni nambatela, zwi no nga vhupombwe na vhuaḓa na u emulana na nyemulo dzoṱhe mmbi, na u funesa lupfumo; u funesa lupfumo zwi fana na u rerelela midzimu ya zwifanyiso.

Hufha no fa; vhutshilo haṋu ndi vhuḽa ho dzumbamaho na Khristo ngei Mudzimuni.

Hone zwino zwoṱhe hezwo ni pfi ni zwi laṱe: zwenezwo zwi no nga u sinyutshelana na mbiti na vhunwa na u semana. Ni songo tsha vhuya na bula maṱamba

naho hu u zwifhelana. Hufha no no bvula muthu mulala na zwiito zwawe; no no ambara muswa ane a sikwa nga huswa hu u fanyisa Ene Musiki wawe, a tou mu kokotolo na kha u mu ṱalukanya.

Inwi vhanna funani vhasadzi vhaṋu, ni songo vha na tshiṱuhu.

Inwi vhana, ipfani vhabebi vhaṋu ni ite zwoṱhe zwine vha ni vhudza; ndi zwone zwine Muṋe washu a zwi takalela.

Inwi vhasadzi ipfani vhanna vhaṋu unga zwo fanela vha re vha Muṋe washu.