Popular Bible Verses from 2 Timothy 2

Share

Wak̇aƞṫaƞka etkiya iċ'ic̄'uya wowaṡi eċanu kte, na taku heċetu ki hena iṡteċeṡniyaƞ olakiƞ kte.

Taku eya oyate ṫeċapi ki iwiċayutan ki hetanhaƞ eḣayab igluzayo. Ohiƞniya taku waṡte eċuƞpiċa ki hena ole yo. Waċiƞyepiċaya igluha yo, wauƞṡila na tuwe ki iyuha ob taƞyaƞ uƞ wo. Oyate eya ċaƞte waṡtepi ki hena ob opiiċ'iya yo.

Wak̇aƞṫaƞka ṫaeyapahapi ki hena woṡiċapi kte ṡni. Tuwe ki iyuha ċaƞte waṡteya ċaƞtewiċakiyuzapi kte, na taƞyaƞ wauƞspewiċakiyapi okihipi kte, na waċiƞṫaƞkapi kte.

Na Christ wic̄auƞlapi ṡni eyaṡ iye heċena wic̄aicʹila ktelo, ċiƞ iye taƞyaƞ slolicʹiye heuƞ.”

Tohanl oyate ki el iniglepi haƞtaƞaṡ aiyopteya iwiċalaksapiƞ kte. Heċel ogna taku heċetu ki he Wak̇aƞṫaƞka okaḣniḣ wiċakiyiƞ na wiċayahomni okihi kte.

Ikċekċeya woglakapi na waaiyapi ki hena etaƞ iḣeyab igluha yo. Leċetu ki hena taku eċela iwaṡte ki he oyate ki wowaḣtani gluwaṡʹakapi.