ଇଚିହିଁ ନା଼ନୁ ଅ଼ଡ଼େ ନୀ ଈ ଲ଼କୁ ନୀ କାନୁତା କାର୍ମା ବେଟାଆ଼ହାମାନମି, ଈଦି ନୀଏଁ ଏ଼ନିକିଁ ପୁଣ୍ମ୍ବି ଆ଼ନେ ? ଏ଼ନିକିଁ ନା଼ନୁ ଅ଼ଡ଼େ ନୀ ଈ ଲ଼କୁ ଦାର୍ତିତି ବାରେ ଲ଼କୁ କିହାଁ ନୀ ଆ଼ଚିତି ଲ଼କୁ ଆ଼ନମି, ମା଼ ତଲେ ନୀ ୱା଼ହିମାନାଣି ତଲେ ପୁଣ୍ମ୍ବି ଆ଼ନେ।”
ଏଚେଟିଏ ପ୍ରବୁ ମ଼ସାଇଁ ଏଲେଇଚେସି, “ଈ ଏମିନି କାତା ନୀନୁ ୱେସାମାଞ୍ଜି, ଏ଼ଦାଆଁ ନା଼ନୁ କିଇଁ, ଏ଼ନିଇଚିହିଁ ନୀନୁ ନା଼ କାନୁତା କାର୍ମା ବେଟାଆ଼ହାମାଞ୍ଜି, ଇଞ୍ଜାଁ, ନା଼ନୁ ନିଙ୍ଗେ ଦ଼ରୁ ତଲେ ପୁଞ୍ଜାମାଞ୍ଜାଇଁ।”