Popular Bible Verses from PESALEMA 143

Share

O nthute go dira go rata ga gago; gonne o Modimo wa me; mowa wa gago o molemo; o nkgoge mo lefatsheng la thokgamo.

Nkutlwisa bopelonomi jwa gago jwa lorato mo mosong; gonne ke ikanya mo go wena; nkitsise tsela e ke tshwanetseng go tsamaya mo go yone; gonne ke tsholeletsa mowa wa me koo go wena.

Jehofa, nkgolola mo babeng ba me; ke tshabela koo go wena gore o mphitlhe.

Ntsitsibosa, Jehofa, ka ntlha ya leina la gago; mo tshiamong ya gago o ntshe mowa wa me mo tlalelong.

Utlwa morapelo wa me Jehofa; sekegela mekokotlelo ya me tsebe; o nkarabe mo boikanngong jwa gago, le mo tshiamong ya gago.

Jehofa, akofa o nkarabe; mowa wa me o a fela; se mphitlhele sefatlhogo sa gago; nka tla ka nna jaaka ba ba fologelang mo moleteng.

Ke gakologelwa metlha ya bogologolo; ke akanya go dira ga gago; ke tlhatlhanya ditiro tsa diatla tsa gago.