Popular Bible Verses from Sav 18

Share

Mwĩai Ngai nĩwe ũnzũvĩaa, nĩwe wĩvitho wakwa, na mũtangĩĩi wakwa. Ngai wakwa nĩ ĩvia yakwa ũla nĩvithaa nthĩnĩ wake. Nĩwe ngao yakwa na vinya wa ũtangĩĩo wakwa, wĩvitho wakwa mũlũmu.

Maũndũ ala Ngai ũsu wĩkaa nĩmeanĩu; watho wa Mwĩai Ngai nĩ wa kwĩkwatw'a. Ngai ailyĩ ta ngao kwa andũ onthe, ala mevithaa nthĩnĩ wake.

Nĩnĩkaĩlaa Mwĩai Ngai ũla waĩlĩte kũtaĩwa, nake nũndangĩĩaa kuma amaithanĩ makwa.

Thĩnanĩ wakwa nĩnamwĩkaĩlile Mwĩai Ngai; nĩneekaĩlile Ngai wakwa andetheesye. Nĩweewie wasya wakwa e Ĩkalũnĩ yake; nĩweethukĩĩisye kĩĩo kyakwa na matũ make.

Ame Mwĩai Ngai nenge kyeni kyaku; nũalyũlaa kĩvindu kyakwa kĩkatwĩka kyeni.

Ngai nĩwe ũnengae vinya, na nĩwe ũndongoeasya nzĩanĩ ngethĩwa nĩ ũsũvĩonĩ.

Mwĩai Ngai e thayũ! Nĩataĩwe mũsũvĩi wakwa! Tavany'ai ũnene wa Ngai wakwa ũla ũndangĩĩaa.