Popular Bible Verses from Nth 14

Share

Ve nzĩa yonekaa nĩ mũndũ ĩilyĩ ta ya w'o, ĩndĩ mũminũkĩlyonĩ wayo ĩtwaa mũndũ kĩkw'ũnĩ.

Ngoo yĩna mũuo nĩnengae mwĩĩ thayũ, ĩndĩ kĩwĩu nĩkyoasya mavĩndĩ.

Mũndũ ũla ũtathataa mĩtũkĩ ethĩawa na ũmanyi mwingĩ, ĩndĩ ũla ũthataa mĩtũkĩ onanasya ũtumanu.

Mũndũ mũka mũĩ nĩwakaa mũsyĩ wake, ĩndĩ mũndũ mũka mũtumanu nũomboaa mũsyĩ wake na moko make mwene.

Ũla wĩthĩawa na kĩkĩo kya Mwĩai Ngai e na wĩkwatyo mũlũmu, na syana syake ikeethĩwa na wĩvitho.

Kĩkĩo kya Mwĩai Ngai nĩ kĩthima kya thayũ, nĩkĩtumaa mũndũ atalika mĩteonĩ ya kĩkw'ũ.

Mũndũ mũĩ nĩwĩsũvĩaa na kũtia ũthũku, ĩndĩ ndia nĩyĩkũthĩĩaa na ndĩsũvĩaa.