Popular Bible Verses from Yel 23

Share

Nĩkũlya, ve vandũ mũndũ ũtonya kwĩvitha ũkethĩa nditonya kũmwona? Mũyĩsĩ kana nyie Mwĩai Ngai nĩ kĩla vandũ ĩtunĩ na nthĩ?

“Nyie Mwĩai Ngai nĩasya kana ĩvinda nĩyũkĩte yĩla nĩũkĩlĩlya Ndeviti Nzyawa ndũngalu, nake akatw'ĩka mũsumbĩ na akaaĩlya ũsumbĩ wake. Akasilanasya andũ ma nthĩ ĩno na sila wa katĩ na ũlũngalu. Ĩvindanĩ ya kũsumbĩka kwake andũ ma Yuta makatangĩĩwa, namo andũ ma Ĩsilaeli makekalaa me ũsũvĩonĩ. Ĩsyĩtwa yĩla wĩĩtawa nĩ: ‘Mwĩai Ngai nĩ we Ũlũngalu Witũ.’ ”

Mwĩai Ngai easya atĩĩ, “Kyeva nĩ kwa aĩthi ala moaaa na kũnyaĩĩkya malondu ma ndĩthya yakwa!

Ĩtina wa ũu ngoombany'a malondu makwa ala matialĩte, nĩmaumye nthĩ syonthe kũla namanyaĩĩkĩsye, na ngamatũnga mawĩkalonĩ moo, na makasyaana ĩngĩ na kwingĩva. Ngamanenga aĩthi ma kũmasũvĩa na maikethĩwa na w'ĩa ĩngĩ, o na maikatelemw'a, na o na vai yĩmwe yĩkaa. Nĩasya ũu nyie Mwĩai Ngai.

Mwĩai Ngai Mwene Ũtonyi W'onthe eĩa andũ ma Yelũsalemu atĩĩ, “Mũikethukĩĩsye athani ala mamwathanĩaa, ala mamũnengae wĩkwatyo wa mana. Maneenaa maũndũ ala meũsũanĩa mo ene, ĩndĩ ti kĩla nyie Mwĩai Ngai nĩneenete.