Popular Bible Verses from Yel 22

Share

Mwĩai Ngai emwĩa atĩĩ, ‘Umyai sila wa katĩ na kwĩka ũlũngalu. Mũvonokyei ũla ũkũvenwa syĩndũ syake ndakaendee kũthĩnw'a nĩ ũla ũkũmũvena. Mũikameke naĩ kana kũmathĩny'a aeni ala me nthĩ yenyu, kana ala makw'ĩĩwe nĩ aaĩthe, kana aka ndiwa; mũikoaĩe andũ mate na ĩvĩtyo nthĩ ĩno.

Wĩsũanĩa ta wĩ mũsumbĩ, nũndũ nĩwakĩte nyũmba ya mĩkũũ nzeo kwĩ nyũmba sya andũ ala angĩ? Ĩthe waku aĩ na kya ũya na kya ũnyw'a, nĩwaatĩĩaa sila wa katĩ na kwĩka ũlũngalu, na kwoou nĩwaendeeie nesa. Nĩwokitĩaa ala ngya na athĩni na kwoou nĩwaendeeie nesa. Nĩkũlya, kwĩka ũu ti kw'o kwonanasya kana mũndũ nũmbĩsĩ nyie Mwĩai Ngai?

“Kyeva nĩ kwake ũla wakaa nyũmba yake kwa nzĩa ĩte ya ũlũngalu, na kwaka tũsũmba twake twa ĩũlũ atekũatĩĩa ũw'o. Ũla ũnengae atũi make wĩa mamũthũkũme mana, na ndekũmaĩva ĩtuvi yoo.