Popular Bible Verses from Ĩsa 41

Share

Kwoou ndũkakĩe, nũndũ nĩ vamwe naku; ndũkethĩwe na kyeva, nũndũ ninyie Ngai waku. Ngakwĩkĩa vinya na ngakũtetheesya; ngakũsũvĩa na kw'oko kwakwa kwĩ vinya kwa ũlũngalu.

Ninyie Mwĩai Ngai, Ngai waku, ũla ũkũnengae vinya na kũkwĩa, ‘Ndũkakĩe, ngakũtetheesya.’ ”

“Andũ onthe ala makũmenaa, makakwatwa nĩ nthoni na kũsonoka; onthe ala mokitaa naku, makatw'ĩka vathei na maikw'a.

nakumisye kũla nthĩ ĩthelele, nakwĩtie kuma isionĩ syayo ila syĩ kũasa vyũ. Nĩnakwĩie atĩĩ, ‘Wĩ mũthũkũmi wakwa.’ Nĩnakũnyuvie, na ndyaakũlea.

Ũkamantha amaitha maku, ĩndĩ ndũkamona. Ala mokitaa naku, makatw'ĩka vathei vyũ.

Mwĩai Ngai easya atĩĩ, “Ndũkakĩe we Yakovo, we ũla mũnini na ũte na vinya. Nũndũ nyie mwene ngakũtetheesya. Nĩasya ũu nyie Mwĩai Ngai Mwovosya waku, nyie Ũla Mũtheu wa Ĩsilaeli.

“Ĩndĩ we Ĩsilaeli mũthũkũmi wakwa, Yakovo ũla nanyuvie, we nzyawa ya Avalaamu mũnyanyawa

Ngatuma mbũsĩ syĩsĩla iĩmanĩ ite kĩndũ, na nthongo sya kĩw'ũ iyuma myandanĩ katĩ. Ngatw'ĩkĩthya weũ ndia sya kĩw'ũ, na nthĩ nyũmũ mbuluti sya kĩw'ũ.

“Yĩla ngya na athĩni memantha kĩw'ũ na mailea ũkĩkwata, na nĩmĩ syoo iinyaw'a nĩ waũni, nyie Mwĩai Ngai ngasũngĩa mboya syoo, nyie Ngai wa Ĩsilaeli ndikamatia.

“Ũla watumie maũndũ aa onthe mekĩka nũũ? Nũũ ũla waseũvisye ĩvinda yĩla kĩla ũndũ waĩlĩte kwĩkĩka? Nyie Mwĩai Ngai nĩthĩĩtwe vo kuma mwambĩlĩĩlyonĩ, na ngeethĩwa vo kũvika mũminũkĩlyonĩ.

Ngatuma weũnĩ kũmea mĩtĩ ya mĩkũũ, mĩea, mĩtĩ yĩ matũ mathungu na mĩtĩ ya mĩthata. Ngatuma nthĩ nyũmũ ĩmea mĩtĩ ya mĩtalakwe, mĩlavuti na ĩngĩ yĩtawa mĩtindali. Andũ makoona maũndũ asu na kũmanya, makasũanĩa na kwĩmanyĩsya, kana nyie Mwĩai Ngai ninyie nĩkĩte ũu kwa ũtonyi wakwa, na kana nyie Ũla Mũtheu wa Ĩsilaeli ninyie nĩtumĩte maũndũ asu mekĩka.”