Popular Bible Verses from Ĩsa 40

Share

Mwĩai Ngai nĩwĩkĩaa vinya ala mate na vinya, na nĩwongelaa ala onzu vinya.

O na andũ ma mũika nĩmathelaa vinya na kũnoa, na anake nĩmavalũkaa nĩ kũnoa, ĩndĩ ala mamwĩkwatasya Mwĩai Ngai makakwata vinya mweũ, makambata maũlũkĩte ta ndiũ, makasemba na maikanoa, makathi na maũũ na maikathela vinya.

Nũndũ mũtaamanya? Nũndũ mũtaaĩw'a? Mwĩai Ngai nĩwe Ngai wa tene na tene, Mũmbi wa syĩndũ syonthe ĩũlũ wa nthĩ. Ndathelaa vinya kana kũnoa, ũmanyi wake nĩ mwingĩ ũndũ ũtamanyĩka.

Ve mũndũ ũkũneena na wasya mũnene ayasya: Seũvĩsyai Mwĩai Ngai nzĩa weũnĩ, seũvĩsyai Ngai waitũ lelũ mũlũngalu kũla kwĩ nthĩ nyũmũ.

Nyeki nĩyũmaa namo malaa nĩmavovaa na maketĩka, ĩndĩ ndeto ya Ngai waitũ ĩkekalaa tene na tene.”

Nĩvo ĩndĩ ũtheu mũtisu wa Mwĩai Ngai wĩvuanw'a, na andũ onthe makawona vamwe, nũndũ Mwĩai Ngai nũwetete kana ũu ũkeethĩwa.

Kĩla mwanda ũkalindwa, na kĩla kĩĩma na kalĩma ikatuũwa; kũla kwĩ maliko kũkeananw'a, na kũndũ kũla kũthũku kũkatindimalw'a.

Akaĩthya ndĩthya yake ta mũĩthi, akoombany'a tũtena twa malondu mokonĩ make, akatũkua atwaĩĩsye kĩthũinĩ kyake, na akatongoesya mbola malondu ala mekwongya.

Ũkĩlyai metho mũsisye matunĩ: Syĩndũ ii syonthe syoombiwe nũũ? Nĩ Ngai ũtongoeasya nguthu ya ndata ta asikalĩ na kũitala, na nĩwĩtaa kĩla ĩmwe na ĩsyĩtwa ya yo. Nũndũ e vinya na ũtonyi mwingĩ, vai ĩmwe yasyo yĩsaa kwĩthĩwa ĩte vo.

Ngai ekalaa ĩũlũ wa kilinge kya nthĩ, asiasya andũ akona mailyĩ ta itooli; atambũũkasya matu ta suka, amambaa ta ĩeema ya kwĩkalwa.

Neenai na andũ ma Yelũsalemu ndeto nzeo, matavyei mũmee kana kaũ woo nĩ mũthelu, na ũthũku woo nũekeetwe, na kana Mwĩai Ngai amakanĩtye ũkany'o mwĩanĩu nũndũ wa naĩ syoo syonthe.

Ve mũndũ waneenie na wasya mũnene ambĩa atĩĩ, “Ũkĩlya wasya ũtavany'e.” Nĩvo ĩndĩ namũkũlilye, “Wĩenda nĩtavany'e ata?” Nake anzũngĩa, “Tavany'a wasye andũ onthe mailyĩ ta nyeki, na wanake woo w'onthe ũilyĩ ta malaa ma kĩthekanĩ. Nyeki nĩyũmaa namo malaa nĩmavovaa na maketĩka, yĩla Mwĩai Ngai wamaveveea mĩthũmũ yake; nĩw'o ki andũ mailyĩ ta nyeki.

Mwĩai Ngai Mũsumbĩ okĩte na ũtonyi, asumbĩke na vinya wake; e na ĩtuvi yake, na akuĩte mũthĩnzĩo wake.

Kiakisyai, kiakisyai andũ makwa, easya ũu Ngai wenyu.

Ve mũndũ waathima kĩw'ũ kya ũkanga na ũvĩ wake, kana akathima ĩtu na kĩtaa kya kw'oko kwake? Ve mũndũ waaĩkĩa mũthanga wa nthĩ yonthe nthũngĩnĩ ũkeanĩa, kana akathima iĩma na tũlĩma aitũmĩa kĩthimi? Ve mũndũ waatavya Veva wa Mwĩai Ngai ũndũ waĩlĩte kwĩka, kana watw'ĩkie mũtai wake na amũmanyĩsya? Ngai aakũlya mũndũ ũtao, kana ve mũndũ waamanyĩsya Ngai kũsila katĩ? Ve mũndũ waamũmanyĩsya ũĩ, kana akamwony'a nzĩa ya kũkwata ũmanyi?