Popular Bible Verses from Ĩsa 25

Share

Ame Mwĩai Ngai, nue Ngai wakwa; ngakũkumya na ngataĩa ĩsyĩtwa yaku, nĩkwĩthĩwa nĩwĩkĩte maũndũ ma kũseng'ya, maũndũ ala wavangie tene ma kũĩkĩĩwa na maw'o.

Mwĩai Ngai Mũsumbĩ akamina kĩkw'ũ tene na tene, na akavangũla andũ onthe methoi kuma methonĩ moo; akavetanga kĩvũthya kĩla andũ make mavũthĩtw'e nakyo, nũndũ Mwĩai Ngai nũneenete ũu.

Mũthenya ũsu andũ nĩmakaneena masye atĩĩ, “Kwa w'o, ũũ nĩwe Ngai waitũ; twĩkalĩte tũmweteelete nĩ kana atũtangĩĩe. Ũũ nĩ Mwĩai Ngai, ũla twĩkwatasya, nĩtwĩw'ei mũyo na kũtanĩa ũtangĩĩo wake.”

Kĩĩmanĩ kĩĩ akavetanga ngũa ya kyeva ĩla ĩvw'ĩkĩte andũ ma mbaĩ syonthe, suka mũvũthũ ũla ũvw'ĩkĩte andũ ma nthĩ syonthe.

Kĩĩmanĩ kĩĩ kya Saioni Mwĩai Ngai Mwene Ũtonyi W'onthe, akaseũvĩsya andũ ma mbaĩ syonthe mboka ya lĩu ũla mũseo mũno na ndivai ĩla nzeo mũno; mboka yĩ nyama nou syĩ mũthungo na ndivai nzeũvye nesa.