Popular Bible Verses from Ĩsa 26

Share

We Mwĩai Ngai nĩwĩkalasya mũuonĩ mwĩanĩu vyũ, mũndũ ũla wĩ na mosũanĩo malũmu, nĩkwĩthĩwa nũkũĩkĩĩaa.

Mũĩkĩĩei Mwĩai Ngai tene na tene, nũndũ Mwĩai Ngai Mũsumbĩ nĩ ũsũvĩo wa tene na tene.

Ũtukũ ngoo yakwa nĩyĩthĩawa ĩikwenda, veva wakwa nũkũmanthaa na kĩthito; nũndũ yĩla wasilĩla nthĩ, andũ ala mekalaa ĩũlũ wayo nĩmemanyĩasya kwĩka ũlũngalu.

Ame Mwĩai Ngai, tũnenge kwĩthĩwa na mũuo, nũndũ nue ũtũtetheasya mawĩa onthe ala twĩkĩte.

Nzĩanĩ ya mosilĩlo maku, we Mwĩai Ngai nĩtũkweteelaa, ĩsyĩtwa yaku na nguma yaku nĩsyo ngoo sitũ syendaa.

Nzĩa ya ala alũngalu nĩ ndindimalu; we Ũla Mũlũngalu nũseũvasya nzĩa ya ala alũngalu.

Nũnyivĩtye ala mekathĩĩaa, nĩwanangĩte ndũa ndũmu ĩla matũaa, na akavalũkangya ngũta syayo nthĩ.

Vingũai mĩvĩa ya ndũa, nĩ kana mbaĩ ya andũ alũngalu ĩlike, mbaĩ ĩla yĩthĩĩtwe yĩ na ũĩkĩĩku.