Popular Bible Verses from Mũta 5

Share

Ĩsilasye mbee wa kũneena, na ndũkasembee kwĩvĩta mbee wa Ngai. Nũndũ Ngai e ĩtunĩ, naku wĩkalaa kũũ ĩũlũ wa nthĩ. Kwoou ndeto syaku nĩsyĩthĩawe mbũthũ.

Ethĩwa Ngai nĩwanenga mũndũ ũthwii na syĩndũ na akĩmũtonyethya kwitanĩa, mũndũ ũsu aĩlĩte kũtũngaa mũvea, na kũtanĩaa syĩndũ isu ũthũkũmĩte akakwata, nũndũ ũsu nĩ mũthĩnzĩo kuma kwa Ngai.

Ũla wĩ na wendi wa mbesa, ndesaa kwĩanĩwa nĩsyo; ũla wendaa kwĩthĩwa na ũthwii, ndakakwata kyonthe kĩla wendaa. Ũu o naw'o nĩ mana.

Ĩsũvĩae maũndũnĩ ala ũkwĩka yĩla walika Ĩkalũnĩ ũthaithe Ngai. Kwĩw'a nĩ kũseo kwĩ kumya nthembo ta wĩ mũndũ mũtumanu, ũla ũtavathũkanasya ũseo na ũthũku.

Kwoou yĩla weevĩta mbee wa Ngai, ndũkaselewe nĩ kwĩanĩsya wĩvĩto ũsu. Nũndũ Ngai ndendeeaw'a nĩ mũndũ mũtumanu, kwoou ĩanĩasya mawĩvĩto maku.

Nĩ kavaa kũlea kwĩvĩta, kũte kwĩvĩta na ũilea kwĩanĩsya mawĩvĩto maku.

Mũndũ ũla ũtethasya wĩa nũkwataa too akeanĩwa, o na ethĩwa e na lĩu mwingĩ kana mũnini, ĩndĩ syĩndũ mbingĩ sya mũndũ mũthwii nitumaa atakoma aisũanĩa mũno ĩũlũ wasyo.

O ũndũ mũndũ wookie kũũ ĩũlũ wa nthĩ ate kĩndũ, o ta ũu akasyoka ate kĩndũ o na kĩmwe kya ila wathũkũmie akwata e kũũ ĩũlũ wa nthĩ.