Popular Bible Verses from Mũta 4

Share

Andũ elĩ maitethya wĩa me vamwe me kavaa kwĩ mũndũ ũmwe, nũndũ nĩmatonya kũtethya wĩa mwingĩ mbeange. Nũndũ ũmwe woo avalũka nũtonya kũkĩlw'a nĩ ũla ũngĩ. Ĩndĩ kyeva nĩ kwaku we ũthũkũmaa wĩ weka nũndũ yĩla wavalũka ndwĩ na mũndũ ũkũkĩlya!

Andũ elĩ nĩmatonya kwĩsiĩĩa mũmaitha ũla ũtonya kũsinda mũndũ ũmwe. Ĩkanda yĩtumĩtwe na ndii itatũ yĩ vinya kũtw'ĩka mĩtũkĩ.

O ĩngĩ, ethĩwa andũ elĩ makakoma ũkomonĩ ũmwe makakwatany'a muutĩa. Ĩndĩ mũndũ ndatonya kwĩw'a muutĩa akomete e weka.

Nĩ kavaa kwĩthĩwa na kĩndũ kĩnini wĩ na mũuo ngoonĩ, kũte kwĩthĩwa na syĩndũ mbingĩ wĩ na kyeva, ũla nĩ ũndũ ũmwe na kũsembany'a na kĩseve.

Nĩnĩmanyĩte kana andũ mathũkũmaa na kĩthito nũndũ nĩmekwĩw'ĩa kĩwĩu andũ ala angĩ. Ũu o naw'o nĩ mana, na nĩ ta kũsembany'a na kĩseve.

Kavaa mũndũ wa mũika ngya ĩndĩ mũĩ, kũte mũsumbĩ mũkũũ mũtumanu ũtethukĩĩasya ũtao.