Popular Bible Verses from Mat 22

Share

Yesũ amũsũngĩa amwĩa atĩĩ, “Mwende Mwĩai Ngai waku na ngoo yaku yonthe, na thayũ waku w'onthe, na kĩlĩko kyaku kyonthe. Ũũ nĩw'o mwĩao ũla mũnene na wa vata mũno. Ũla wa kelĩ naw'o ũilyĩ o ta ũsu: ‘Mwende mũtũi waku o tondũ wĩyendete we mwene.’

Mĩao ĩsu yĩ ĩlĩ ĩtũngĩanĩĩte mĩao ĩla ĩngĩ yonthe ya Mwose, na momanyĩsyo onthe ma athani.”

Yesũ nĩwaminũkĩlĩĩlye na kwasya atĩĩ, “Nĩ aingĩ ala mathokaw'a, ĩndĩ ala anyuve nĩ avũthũ.”

Yĩla andũ makathayũũka kuma kwa akw'ũ, kũikethĩwa kũtwaana kana kũtwawa, nũndũ mo makeethĩwa mailyĩ alaĩka ma ĩtunĩ.

Mbony'ei mbesa ila mũtũmĩaa kũĩva koti.” Nĩmamũeteie ndinalĩ, nake amakũlya atĩĩ, “Visa ũũ na ĩsyĩtwa yĩĩ nĩ syaũ?” Namo mamũsũngĩa mamwĩa atĩĩ, “Nĩ sya mũsumbĩ wa Loma.” Kwoou Yesũ amea atĩĩ, “Nengai ĩndĩ mũsumbĩ kĩla kya mũsumbĩ, na mũinenga Ngai kĩla kya Ngai.”