Popular Bible Verses from Mat 21

Share

Ethĩwa mũkavoya Ngai ũndũ na kũĩkĩĩa kana nũkũwĩanĩĩsya, Ngai akeeka ũu.”

Yesũ amasũngĩa amea atĩĩ, “Nĩmũtavya w'o, ethĩwa nĩmũkũĩkĩĩa Ngai mũte na nzika, mũkeethĩwa mũtonya kwĩka ũu neekana na mũkũyũ ũũ. Na ti ũu w'oka ĩndĩ o na mũkeethĩwa mũtonya kwĩa kĩĩma kĩĩ, ‘Kũka vau wĩyĩkye ũkanganĩ,’ na kĩkeeka ũu mwasya.

Andũ ala maĩ mbee na ala maumĩte Yesũ ĩtina nĩmookĩlilye wasya mũnene mayasya atĩĩ, “Hosana Mwana wa Ndeviti! Nĩ mũathime ũla wũkĩte ĩsyĩtwanĩ ya Mwĩai! Hosana ĩũlũ ĩtunĩ.”

Nĩwatavisye andũ asu onthe atĩĩ, “Maandĩkonĩ Matheu Ngai nũneenete akasya, ‘Nyũmba yakwa nĩ nyũmba ya kũvoyea.’ Ĩndĩ inyw'ĩ mũmĩtw'ĩkĩthĩtye vandũ va kwĩvithaa avutani!”

“Tavyai andũ ma Yelũsalemu atĩĩ, ‘Mũsumbĩ wenyu nĩwũkĩte kwenyu! Nĩ mũuu na alĩsĩte ĩng'oinĩ, alĩsĩte ndenanĩ, ndena ya ĩng'oi.’ ”

Yesũ nake amakũlya atĩĩ, “Inyw'ĩ no mwaasoma Maandĩkonĩ Matheu vala vaĩtye: ‘Ĩvia yĩla aki ma myako maleile, nĩyĩtw'ĩkĩte ĩvia yĩla ya vata mũno mwakonĩ. Mwĩai nĩwe wĩkĩte ũndũ ũsu, naw'o kote wa kũseng'ya methonĩ maitũ’?

“Kwoou ekai nĩmũtavye, ĩvuso yĩu Ngai ũmũnengete ya kwĩthĩwa mwĩ andũ make, nũkũmũvena na ainenga andũ angĩ ala makekaa ũndũ Ngai wendete. [