Popular Bible Verses from 1Ako 11

Share

O ta ũu ĩtina wa lĩu wa wĩoo, nĩwoosie kĩkombe kĩ ndivai na asya atĩĩ, “Kĩkombe kĩĩ nĩ ũtianĩo mweũ, ũla ũkwĩanĩw'a na nthakame yakwa. Ĩkaai ũu yĩla mũũmĩnyw'a, kwondũ wa kũndilikana.” Kũu nĩ kwasya kana kĩla ĩvinda mũũya mũkate ũũ na kũnyw'a kuma kĩkombenĩ kĩĩ, mwĩthĩawa mũitavany'a kĩkw'ũ kya Mwĩai kũvika yĩla wĩũka ĩngĩ.

Nũndũ nyie nakwatie kuma kwa Mwĩai momanyĩsyo ala nyie nĩmũmanyĩĩtye, kana Mwĩai Yesũ, ũtukũ ũla wanenganiwe kwa amaitha, oosie mũkate, na atũngĩa Ngai mũvea. Nĩwaũtilangile na asya atĩĩ, “Ũũ nĩ mwĩĩ wakwa, ũla ũũnenganwe kwondũ wenyu. O nenyu ĩkaai o ta ũu kwondũ wa kũndilikana.”

Kĩla mũndũ nĩwaĩlĩte kwĩyĩosya mbee, na ĩndĩ akĩya mũkate ũsu na kũnyw'a kuma kĩkombenĩ kĩu. Nĩkwĩthĩwa mũndũ ũla ũĩsaa na kũnyw'a ateũvathũkany'a ũla mwĩĩ wa Mwĩai, eyĩeteae ũsilĩlo yĩla ũkũya mũkate ũsu na kũnyw'a kuma kĩkombenĩ kĩu.

Kwoou mũndũ ũla wĩya mũkate ũsu kana kũnyw'a kuma kĩkombenĩ kĩu kya Mwĩai ũndũ ũtaĩlĩte, akeethĩwa na naĩ ya kũvũthya mwĩĩ na nthakame ya Mwĩai.

Atĩĩaai ngelekany'o yakwa, o tondũ nĩatĩĩaa ĩla ya Klĩsto.