Popular Bible Verses from 1Ako 12

Share

Kĩla mũndũ nũnengetwe wonany'o wa Veva, nĩ kana andũ onthe matonye kũunĩka.

Yu ĩndĩ, inyw'ĩ mwĩ mwĩĩ wa Klĩsto, na kĩla ũmwe wenyu nĩ ĩmutha ya mwĩĩ ũsu.

Ethĩwa ĩmutha yĩmwe ya mwĩĩ yĩna thĩna, mamutha ala angĩ onthe nĩmathĩnaa vamwe nayo; ethĩwa ĩmutha yĩmwe nĩyataĩwa, mamutha ala angĩ onthe nĩmatanaa vamwe nayo.

Mũndũ ũmwe nũnengetwe nĩ Veva kũneena na ũĩ, na ũngĩ akanengwa kũneena na ũmanyi no Veva ũsu ũmwe. Mũndũ ũngĩ nũnengetwe kwĩthĩwa na mũĩkĩĩo nĩ Veva o ũsu, na ũngĩ akanengwa mũthĩnzĩo wa kũvosya andũ awau nĩ Veva o ũsu ũmwe. O ta ũu Veva nũnengete mũndũ ũmwe ũtonyi wa kwĩka syama, na ũngĩ akanengwa wathani, na ũngĩ akanengwa ũtonyi wa kũvathũkany'a mĩthĩnzĩo ĩla yumĩte kwa Veva Mũtheu na ĩla ĩtaumĩte kwake. O ta ũu mũndũ ũngĩ nũnengetwe ũtonyi wa kũneena na ithyomo ngeni sya mĩthemba mingĩ, na ũngĩ akanengwa ũtonyi wa kũalyũla ithyomo isu.

Mĩthĩnzĩo ĩsu yonthe ĩnenganawe nĩ Veva o ũmwe, na aaĩaa kĩla ũmwe kwĩanana na ũndũ ũ Veva ũkwenda.

Kwoou vai ũtilĩkangano nthĩnĩ wa mwĩĩ; mamutha maw'o nĩmasũvĩanaa yĩmwe kwa yĩla yĩngĩ.

Kwĩ mĩthĩnzĩo yĩ kĩvathũkany'o, ĩndĩ ĩnenganawe no Veva ũmwe; na kwĩ mothũkũmi me kĩvathũkany'o, ĩndĩ no Mwĩai ũmwe ũla wĩthĩawa aithũkũmwa. O ta ũu kwĩ mĩtethelye yĩ kĩvathũkany'o ya wĩa, ĩndĩ no Ngai ũmwe wĩthĩawa aitethya wĩa ũsu nthĩnĩ wa kĩla ũmwe.

Nthĩnĩ wa ĩkanisa Ngai nĩwiĩte andũ mothũkũminĩ me kĩvathũkany'o: Mbee nĩ atũmwa; kelĩ nĩ athani, na katatũ nĩ amanyĩsya. Kuma vau ve ala manengetwe ũtonyi wa kwĩka syama, na asu makaatĩĩwa nĩ ala manengetwe ũtonyi wa kũvosya andũ ala awau, kana kũtethasya andũ, kana kũtongoeasya andũ, kana kũneena na ithyomo ngeni.

Mwĩĩ ti ĩmutha yĩmwe, ĩndĩ nĩ mamutha maingĩ.

Kwa w'o, mamutha ma mwĩĩ ala monekaa me monzu nĩmo me vata mũno

Kethĩwa mwĩĩ w'onthe nĩ itho, mũndũ ew'a nthĩ ata? Na kethĩwa mwĩĩ w'onthe nĩ kũtũ, mũndũ anyungĩa ata? Ĩndĩ o tondũ kũilyĩ, Ngai eekĩie kĩla ĩmutha mwĩĩnĩ o ũndũ wendie. Kethĩwa mamutha onthe no ĩmutha yĩmwe, mwĩĩ ndwĩthĩwa vo.