Popular Bible Verses from ALOMI 12

Share

Mũikavw’ananw’e na nthĩ ĩno: ĩndĩ mũalyũkw’e mũtũngwe eũ ilĩkonĩ syenyu, nĩ kana mwĩkuũe ũndũ kũilyĩ kwenda kwa Ngai kũla kũseo na kũla kwĩtĩkĩlĩka na kũla kwĩanĩu.

Nĩmwĩsũva ĩndĩno, ana‐a‐asa makwa, kwondũ wa matei ma Ngai, mwĩnengane mĩĩ yenyu ĩthĩwe nthembo ĩ thayũ, ntheu, ya kũmwendeesya Ngai, naw’o nĩ ũthaithi wenyu waĩlaa.

mũkĩtana wĩkwatyonĩ; mũkyũmĩĩsya mathĩnanĩ; mũkĩkala na ũlũmu mboyanĩ

Mũikakĩlw’e vinya nĩ ũthũku, ĩndĩ kĩlyai ũthũku vinya na ũseo.

Wendonĩ wa ana‐a‐asa, ĩthĩwai na wendo mũuu ene kwa ene; ndaĩanĩ, mataĩei ala angĩ mbee

Wendo ndũkethĩwe na wangangan’yo. Menai kĩla ũthũku; lũmyai ũndũ ũseo.

Ethĩwa nũtonyeka, kwa ngalĩ ĩla yenyu, mwĩthĩwe na mũuo na andũ onthe.

Mũikeĩvanĩsye, endwa makwa, ĩndĩ ekeaĩ ũthatu wa Ngai ũthei; nũndũ nĩkũandĩkĩtwe, Ũĩvanĩsyo nĩ wakwa; ngaĩvanĩsya, easya ũu Ngai.

ũthangaaunĩ, mũte aleelu; mũvyũvĩte mavevanĩ menyu; mũkĩmũthũkũma Mwĩaĩi

Nũndũ nĩngũneena, kwondũ wa mumo ũla nanengiwe, kana kĩla mũndũ wenyu ndakalilikane mwene ta mũnene mbee wa vala vamwaĩle kũlilikana; ĩndĩ nalilikane eanĩsye, kwĩanana na ũndũ Ngai wamũaĩe kĩla mũndũ mũĩkĩĩo ũndũ wĩana.

Mũikekũle kwa mũndũ o na wĩva. Lilikanaai maũndũ ala maseo mbee wa metho ma andũ onthe.

Ĩthĩwai na kĩlilikano kĩmwe ene kwa ene. Mũikalilikane maũndũ ma mĩtũlyo, ĩndĩ ĩtheesyei maũndũnĩ ala ma wĩnyivyo. Mũiketale ene ta mwĩ oĩ.

Ĩndĩ ethĩwa mũmaitha waku e na nzaa, mũathĩsye; ethĩwa e na waũni, mũnenge kya ũnyw’a; nũndũ kwa kwĩka ũu ũkamũmbĩĩa makaa ma mwaki mũtwenĩ wake.

Maathimei ala mamũthĩnasya; athimai, o na mũikaumanĩe. Tanai vamwe na ala meũtana; ĩai na ala mekũĩa.

mũkĩnengane kwondũ wa mavata ma atheu; mũkĩthokya aeni na ũlau.

Nũndũ o tondũ twĩ na mamutha maingĩ mwĩĩnĩ ũmwe, na mamutha onthe mati na wĩa ũmwe: no ta ũu ithyĩ, o na twĩ aingĩ, twĩ mwĩĩ ũmwe nthĩnĩ wa Klĩsto, na ithyonthe twĩ mamutha kĩla ũmwe na ũla ũngĩ.