ALOMI 12
12
Thayũ mweũ
1 #
Alo 6.11,13; 1 Vet 2.5; Yoa 4.24. Nĩmwĩsũva ĩndĩno, ana‐a‐asa makwa, kwondũ wa matei ma Ngai, mwĩnengane mĩĩ yenyu ĩthĩwe nthembo ĩ thayũ, ntheu, ya kũmwendeesya Ngai, naw’o nĩ ũthaithi wenyu waĩlaa. 2#Aev 4.23; 5.10,17; Alo 1.28; Aka 1.4.Mũikavw’ananw’e na nthĩ ĩno: ĩndĩ mũalyũkw’e mũtũngwe eũ ilĩkonĩ syenyu, nĩ kana mwĩkuũe ũndũ kũilyĩ kwenda kwa Ngai kũla kũseo na kũla kwĩtĩkĩlĩka na kũla kwĩanĩu.
Nzĩa yaĩle ya kũtethya wĩa na mĩthĩnzĩo ya veva
3 #
1 Ako 12.11; Aev 4.7. Nũndũ nĩngũneena, kwondũ wa mumo ũla nanengiwe, kana kĩla mũndũ wenyu ndakalilikane mwene ta mũnene mbee wa vala vamwaĩle kũlilikana; ĩndĩ nalilikane eanĩsye, kwĩanana na ũndũ Ngai wamũaĩe kĩla mũndũ mũĩkĩĩo ũndũ wĩana. 4#1 Ako 12.12.Nũndũ o tondũ twĩ na mamutha maingĩ mwĩĩnĩ ũmwe, na mamutha onthe mati na wĩa ũmwe: 5#1 Ako 12.27; Aev 4.25.no ta ũu ithyĩ, o na twĩ aingĩ, twĩ mwĩĩ ũmwe nthĩnĩ wa Klĩsto, na ithyonthe twĩ mamutha kĩla ũmwe na ũla ũngĩ. 6#1 Ako 12.4.Na twĩ na mĩthĩnzĩo ya mĩthemba mingĩ kwĩanana na ũla mumo twanengiwe, ethĩwa nĩ kwathana, twathane kwĩanana na ũndũ mũĩkĩĩo witũ wĩana: 7#1 Vet 4.10,11.kana ethĩwa nĩ ũthũkũmi, twĩnengane ene ũthũkũminĩ witũ; kana ũla ũmanyĩasya, kũmanyĩsyanĩ kwake; 8#Mt 6.3; 2 Ako 8.2; 9.7.kana ũla ũtaaa, kwa ũtao wake: ũla ũnenganae, nanenganae na ũlau; ũla walanasya, nĩalanasye na kĩthito; ũla ũmwĩw’ĩaa ũngĩ teĩ, namwĩw’ĩae na ũtanu.
Motw’io ma mwĩkalĩle wa Mũklĩsto
9 #
1 Vet 1.22; 1 Tim 1.5; Amo 5.15. Wendo ndũkethĩwe na wangangan’yo. Menai kĩla ũthũku; lũmyai ũndũ ũseo. 10#2 Vet 1.7; Avi 2.3.Wendonĩ wa ana‐a‐asa, ĩthĩwai na wendo mũuu ene kwa ene; ndaĩanĩ, mataĩei ala angĩ mbee; 11#Ũvu 3.15; Meko 18.25.ũthangaaunĩ, mũte aleelu; mũvyũvĩte mavevanĩ menyu; mũkĩmũthũkũma Mwĩaĩi; 12#1 Ath 5.17.mũkĩtana wĩkwatyonĩ; mũkyũmĩĩsya mathĩnanĩ; mũkĩkala na ũlũmu mboyanĩ; 13#Aevl 13.2.mũkĩnengane kwondũ wa mavata ma atheu; mũkĩthokya aeni na ũlau. 14#Mt 5.44; Meko 7.59; 1 Ako 4.12.Maathimei ala mamũthĩnasya; athimai, o na mũikaumanĩe. 15#Sav 35.12.Tanai vamwe na ala meũtana; ĩai na ala mekũĩa. 16#Nth 3.7; Alo 15.5; 11.20.Ĩthĩwai na kĩlilikano kĩmwe ene kwa ene. Mũikalilikane maũndũ ma mĩtũlyo, ĩndĩ ĩtheesyei maũndũnĩ ala ma wĩnyivyo. Mũiketale ene ta mwĩ oĩ. 17#Isa 5.21; 1 Ath 5.15.Mũikekũle kwa mũndũ o na wĩva. Lilikanaai maũndũ ala maseo mbee wa metho ma andũ onthe. 18#Mko 9.50; Aevl 12.14.Ethĩwa nũtonyeka, kwa ngalĩ ĩla yenyu, mwĩthĩwe na mũuo na andũ onthe. 19#Kũt 32.35; Ali 19.18; Mt 5.39; 2 Ath 1.6,7; Alo 13.4; Aevl 10.30.Mũikeĩvanĩsye, endwa makwa, ĩndĩ ekeaĩ ũthatu wa Ngai ũthei; nũndũ nĩkũandĩkĩtwe, Ũĩvanĩsyo nĩ wakwa; ngaĩvanĩsya, easya ũu Ngai. 20#Nth 25.21,22; Mt 5.44.Ĩndĩ ethĩwa mũmaitha waku e na nzaa, mũathĩsye; ethĩwa e na waũni, mũnenge kya ũnyw’a; nũndũ kwa kwĩka ũu ũkamũmbĩĩa makaa ma mwaki mũtwenĩ wake. 21Mũikakĩlw’e vinya nĩ ũthũku, ĩndĩ kĩlyai ũthũku vinya na ũseo.
Currently Selected:
ALOMI 12: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
