Popular Bible Verses from ALOMI 13

Share

Ĩndĩ ĩvw’ĩkei Mwĩaĩi Yesũ Klĩsto, na ũndũ wa mwĩĩ, mũikese kũlilikana kwĩka mawendi maw’o.

Mũĩkethĩwe mwi thiĩ na mũndũ wa kĩndũ o na kĩva kyonthe, ate o kwendana inyw’ĩ kwa inyw’ĩ: nũndũ ũla ũmwendaa ũngĩ nĩwĩanĩsye ĩla mĩao.

Kĩla mũndũ nĩethĩwe e mwĩwi wa ala me na ũkũmũ: nũndũ kũi ũkũmũ ũtaumite kwa Ngai; na mokũmũ ala me kw’o nĩmatwiwe nĩ Ngai.

Utukũ nĩ mũendu mũno, mũthenya nũthengeee: tumye ĩndĩ twĩkye kũasa mawĩa ma kĩvindu, na twĩkĩe mĩio ya kaũ ya kyeni.

Wendo ndwĩkaa naĩ kwa ũngĩ; kwondũ wa ũu wendo nĩ wĩanĩsyo wa ĩla mĩao.

Nengai onthe kĩla kyaĩle: koti kwa ũla waĩlwe nĩ kũmĩw’a kotĩ: kumya mũvothi kwa ũla waĩlwe nĩ kumĩw’a mũvothi; w’ĩa kwa ũla waĩlwe nĩ kũkĩwa; ndaĩa kwa ũla waĩlwe nĩ kũtaĩwa.