Popular Bible Verses from YOSHUA 6

Share

Omonene agatebia Yoshua, “Rora, nabekire Yeriko amo nomoruoti oye, na abamura chituoni baye b’esegi, ase okoboko kwao.

Ekero egetureri kerabugigwe eriogi ri’ekerondereria, na mokoigwa eriogi eri ri’omochengo, abanto bonsi baake eriogi rinene ri’esegi, erio agwo chindwaki chi’omochie nachigwe inse kegima. Erio abarwani bonsi bayoumokere, kera omonto agende bosio rimo rioka.”

Aye amo nabarwani bao goika motaare moetanane omochie oyio ara rimo kera rituko ase engaki y’amatuko atano na rimo.

Abakuani batano na babere babogorie ebitureri bi’omochengo na bagende bosio bw’Esanduku eria. Rituko ria gatano na kabere motaare, moetanane omochie oyio ara gatano na kabere, na abakuani babugie ebitureri biria.

Ebiita bia Yeriko nigo biasiekire bokong’u ng’a Abaisraeli tibabaisa gosoa aroro. Onde tarenge gosoka gose gosoa imeo.

Engaki ya gatano na kabere, abakuani kobagendererete kobugia ebitureri, Yoshua agatebia abanto, “Aka eriogi ri’esegi, ekiagera Omonene obaeire omochie oyo!

Omochie oyo oragererigwe, na ebinto bionsi ebire imeo biatananirwe ase Omonene. Rahabu bweka, omokungu oria omotayayi, amo nabanto bare nyomba mwaye nabwo baratigare bare moyo, ekiagera ere abisete abanto baria twatomete koroota ense.