Popular Bible Verses from ABAKOLASAI 3

Share

Bogorerania inwe ase inwe, na onye omonto ore ne ring’ana igoro ase omonto onde, mwaberane: buna Omonene abaaberete inwe, nainwe mwaberane bo.

Rengereria ayare igoro, gose tari ayare ase ense.

Rinde rionsi mogokora rikore ase enkoro y’omogoko, buna mogokorera Omonene, gose tari mwanyabanto

Gaki, ekiagera more abachore ba Nyasae, abachenu na abanchwa, mweboyie amabeebe, obuya, obokanyeku, obwororo, oboremereria.

Ring’ana ria Kristo rimenye ase obonge ime yaino, mobe mokworokererania na gotebererania ase obong’aini bwonsi, mogotera ase chizaburi, na amatera, ne chingero chi’omoika, ase ogoakera Nyasae ng’a mbuya mono ase chinkoro chiaino ime. Na kera eki mogokora, ase amang’ana gose ase ogokora, mokore kera egento ase erieta ri’Omonene Yeso, mokomoakera Nyasae Tata ng’a mbuya mono goetera asare.

Kobua aya onsi, mweboyie obwanchani, nabwo egesibo gekobwatania kera egento ase oboikeranu bw’obuya.

Gaki, onye mwabokire amo na Kristo, rigia ayare igoro aase Kristo aikaransete ensemo y’okoboko gw’okorio kwa Nyasae.

Tiga omorembe o Kristo ogambere chinkoro chiaino, noro mwarangererigwe ase omobere oyomo, na mobe abakoiraneria ng’a mbuya mono.

Gaki moite ebiimo biaino ebire ase ense: obotomani, eubi, okorengereria okobe, okogania okobe, na obwegimeria, engencho yaye ogosasima emegwekano.

Naki inwe mwakure, na obogima bwaino nigo bobisire amo na Kristo ase Nyasae.

Korende bono mobeke aare aya onsi: endamwamu, okobea, obobe, okorama, na ogokwana okobe gokorwa ase emenwa yaino.

Timotebania oborimo, inwe abamwarusirie obomwanyabanto bwa kare amo nogokora kwaye, mwamweboyirie omonto omoyia, oyo okorirwe omoyia ase okomanya gwonsi ase omogwekano oye ere oyomotongete.

Na inwe abasacha, mwanche abakungu baino, timoba nobororo asebare.

Na inwe abana, moigwere abaibori baino ase amang’ana onsi, ekiagera ring’ana eri nigo rikogwenera Omonene.

Inwe abakungu, moigwere abasacha baino, buna egwenerete ase Omonene.