Popular Bible Verses from रोमियो 14

Share

क्यूंकि परमेसरा रे राजा मन्झ खाणा पीणा बडा नी आ; एता रे बजाय, परमेसरा री नजरा मन्झ धर्मी माह्णुं बणना, सांति होर पवित्र आत्मा मन्झ खुसी, ये गल्ला बडी ई। जो कोई इंहां मसीह री सेऊआ करहा ता परमेसरा तेस ले खुस हुई जां होर माह्णुं भी तेसरे बारे मन्झ खरा बोल्हा।

क्यूंकि आस्से सभ आपणे प्रभु रे, अगर आस्से जिउंदे रहे या मरी भी जाये ता ये आस्सा रे प्रभु री इज्जत रे कठे, ना कि आपणी इज्जत रे कठे।

इधी कठे आस्से तिन्हा कामा जो करणे री कोसिस करहे जेस ले लोक एक दूजे किन्हें सांति किन्हें रहे, होर एक दूजे रे विस्वासा जो मजबूत करी सके।

ता अगे जो आस्से एक दूजे पर दोस नी लगाए पर तुस्से येई ठाणी लऊआ कि तुस्सा री वजहा ले कोई विस्वासी भाई होर बैहण पाप करहे या परमेसरा पर विस्वास करणा ना छाडी दे।

क्यूंकि पवित्र सास्त्रा मन्झ लिखिरा, “प्रभु बोल्हा, मेरी जिन्दगी री कसम कि हर एक माह्णुंआं मेरे साम्हणें घुटना टेकणा, होर हर एक माह्णुंआं परमेसरा रा अंगीकार करणा।” ता फेरी आस्सा सभी जो आपणे-आपणे कामा रा लेखा परमेसरा जो देणा पऊणा।

विस्वासा मन्झ कमजोर आदमी जो तेसरे व्यक्तिगत राय पर बगैर सक करी किन्हें अपनाई लो।

परमेसर आस्सा सभीरा माल्क आ, होर आस्से सब तेसरे सेऊआदार ऐं होर तू परमेसरा रे दूजे सेऊआदारा पर दोस नी ल्गाई सकदा। तेसरा मजबूत रैंह्णां या पई जाणा तेसरे माल्का पर निर्भर करहा, जेब्की से मजबूत करी दितेया जाणा; क्यूंकि परमेसर तेस जो मजबूत करी सक्हा।