Popular Bible Verses from रोमियो 15

Share

हांऊँ प्रार्थना करहा कि परमेसर जो तुस्सा जो आस देआ, से तुस्सा जो तेस पर विस्वास करणे रे कारण आपणी बड़ी खुसी होर सांति किन्हें भरे, ताकि पवित्र आत्मा री सामर्था ले तुस्सा री आस होर भी बढ़दी जाए।

जितनी गल्ला पैहले ले पवित्र सास्त्रा मन्झ लिखी गई, स्यों आस्सा जो स्खाणे रे कठे ई लिखी गईरी कि आस्सो धीरज होर होंसला मिली सके, जो पवित्र सास्त्र आस्सो देआ। ताकि आस्सो से आस मिले जो परमेसरे आस्सा जो देणे रा वादा कितिरा।

होर हांऊँ प्रार्थना करहा कि धीरज होर होंसला देणे वाल़ा परमेसर तुस्सा जो एक दूजे किन्हें सांति साउगी जीणे मन्झ तुस्सा री मदद करहे; जेह्ड़ी मसीह यीसू रे हुक्म मनणे वाले रे कठे सही समझा जां। ताकि तुस्से सभ मिली किन्हें आस्सा रे परमेसर, प्रभु यीसू मसीह रे बापू री बड़ाई करा।

इधी कठे, जिहां मसीहे तुस्से ग्रैहण कितिरे, तिहां ईं तुस्से भी एक दूजे जो ग्रैहण करा ताकि एह्ड़ा करणे रे लोक परमेसरा री बड़ाई करहे।

आस्सा मन्झा ले हर एक जो आपणे विस्वासी भाई होर बैहणा साउगी खरा करणा चहिए, होर जेता ले से खुस हुई जाये होर आपणे विस्वास जो मजबूत करी सके।