Popular Bible Verses from रोमियो 3

Share

इस खातर भई सारयां पाप कित्तिरा कने सारे परमेशरा रिया महिमा ते दूर ये, पर परमेशरा रे अनुग्रह ते तिने अहांजो यीशु मसीह रे जरिये मुख्ता च ग्रहण कित्या कने अहांरे पापां रिया सजा ते छुटकारा दित्या।

यनिके सारे विश्वासियां खातर यीशु मसीह पर विश्वास करने ते परमेशरा री धार्मिकता बिणा किसी भेदभावा रे परगट हुई

परमेशरे यीशु मसीह जो अहांरे पापां रे खातर बलिदान हुणे जो भेज्या कने मसीहे अपणा खून्न बहाया ताकि तिस पर विश्वास करने रे जरिये अहें परमेशरा ले आई सक्को। परमेशरे ये दसणे खातर येढ़ा कित्या भई पैहले सै सहनशील कने पापियां जो माफ करने च सही था। यह ये बी दस्सां भई परमेशर सही आ ताहली जे सै मसीह पर विश्वास करने औल़यां जो ग्रहण कराँ।

काँह्भई व्यवस्था रा पालन करने ते कोई बी माहणु परमेशरा रे सामणे धर्मी नीं हूणा, पर व्यवस्था माहणुआं जो ये जाणने च मदद कराँ इ भई तिन्हें पाप कित्तिरा।

तियां जे पवित्रशास्त्र बोलां, “परमेशरा रे सामणे कोई बी धर्मी निआं, इक बी नीं। कोई बी माहणु नीं समझदा भई क्या ठीक आ; कोई बी परमेशरा जो जाणना नीं चाहन्दा। सारे परमेशरा ते भटकीरे, सारे रे सारे तिसरे खातर बेकार हुईगरे; कोई भलाई करने औल़ा निआं, इक बी नीं।

इस खातर अहें जाणाँ ये भई माहणु व्यवस्था रा पालन करने ते नीं, पर विश्वासा रे जरिये इ परमेशरा रिया नज़राँ च धर्मी बणी सक्कां।

कदीं मनी! जे हर कोई झूट्ठा बी हुई जांगा, तां बी परमेशर सच्चा इ रैहणा, तियां जे पवित्रशास्त्र परमेशरा रे बारे च बोलां, “जिसते तुहें अपणियां गल्लां च सही साबित हुणे कने अपणा मुकद्दमा तुहां जीतणा।”