Popular Bible Verses from रोमियो 2

Share

कने तुहें सै जे येढ़ा सोच्चां ये भई तिन्हां कम्मां खातर जे तुहें दुज्जेयां जो दोषी मन्नां ये कने अप्पूँ खुद सैई काम्म कराँ ये; तां क्या तुहें ये समझां ये भई तुहां परमेशरा रिया सजा ते बची जाणा? क्या तुहें परमेशरा रिया महान किरपा जो, कने सहनशक्तिया कने धैर्य जो घटिया जाणाँ ये? क्या तुहें ये नीं समझदे भई परमेशरा री किरपा तुहांरी मन फिराव करने च अगुवाई कराँ इ?

इस खातर ओ दोष मढ़णे औल़े, तू चाये कोई बी कैं नीं ओ, तेरले कोई बहान्ना निआं; काँह्भई तिसा गल्ला खातर जे तू किसी पर दोष लाँ, तिसा गल्ला खातर तूं अप्पूँ बी दोषी बणाँ, इस खातर भई तू सै जे दोष लाँ, अप्पूँ सैई काम्म कराँ।

काँह्भई परमेशर सबनीं लोकां जो इक्को जेआ देक्खां।

काँह्भई सै लोक जे मूसा रिया व्यवस्था जो कथा साई सुणां यें, सै परमेशरा रिया नजरा च धर्मी नींये, पर सै जे व्यवस्था रा पालन कराँ ये सै परमेशरा रिया नज़राँ च धर्मी समझे जाणे।

तिस हरेक माहणुये रा तिन्हांरे कर्मां रे मुज़ब न्याय करना।

पर सै लोक जे अपणे स्वार्था रिया वजह ने सच्चाईया जो छड्डिने झूट्ठा पर विश्वास कराँ यें, परमेशरा तिन्हां पर गुस्से हुईने तिन्हारा न्याय करना।

पर तुहें पत्थर दिल कने पापी स्वभावा जो छडणा नीं चाहन्दे, येढ़ा करीने तुहें अपणिया सजा जो बधाया राँये कने ताहली जे परमेशरा रा सच्चा न्याय करने रा दिन औणा, तिस दिन परमेशरा तुहांजो बौहत भयानक सजा देणी।