Popular Bible Verses from 1 कुरिन्थियों 12

Share

पर सब्बीं जो फायदा दिलाणे खातर हरेक माहणुये जो आत्मा रा प्रकाश दित्या जां।

इयां इ तुहें सब मिलीने मसीह री देह ये, कने लग-लग तिसरे अंग ये

इस खातर जे इक्की अंगा जो दुख मिलां, तां सब अंग तिसने सौगी दुख पांये; कने जे इक्की अंगा री बडयाई हुआं इ, तां सब अंग तिसने सौगी नन्द मनायें।

काँह्भई इक्की जो आत्मा ते बुद्धिया रियां गल्लां मिलां इयां, कने किसी दुज्जे जो तिसा इ आत्मा रे मुतावक ज्ञाना रियां गल्लां। किसी जो तिसा आत्मा ते विश्वास, कने किसी जो तिसा इ इक्की आत्मा ते चंगा करने रा वरदान मिलां। फेरी किसी जो सामर्था रे काम्म करने री ताकत, किसी जो भविष्यवाणी, किसी जो आत्मां री परख, किसी जो कई प्रकारा रियां भाषां बोलणे जो, कने किसी जो भाषां रा मतलब दसणा।

पर ये सब प्रभावाशाली काम्म सैई इक आत्मा कराँ, कने तिस किसी जो जे सै चांह तिस्सो बन्डी देआं।

ताकि देहा च फूट नीं पौ, पर अंग इक्की दुज्जे री बराबर चिन्ता करो।

वरदान त कईयां किस्मां रे, पर आत्मा इक्को इ हया; कने सेवा बी कईयां किस्मां री, पर प्रभु इक इ हया; कने प्रभावा औल़े काम्म कईयां किस्मा रे, पर परमेशर इक इ हाया, सै जे सब्बीं च हर किस्मा रा प्रभाव पैदा कराँ।

कने परमेशरे कलीसिया च लग-लग माहणु नियुक्त कित्तिरे : पैहले प्रेरित, दुज्जे भविष्यवक्ता, तिज्जे सखाणे औल़े, फेरी सामर्था रा काम्म करने औल़े, चंगा करने औल़े, मदद करने औल़े, प्रबन्ध करने औल़े, लग-लग किस्मा री भाषायें बोलणे औल़े।

अहां रिया देहा च इक इ अंग नीं पर बौहत सारे अंग ये।

पर देहा रे सै अंग सै जे दुज्यां ते कमजोर लगां ये, बौहत इ जरूरी ये

जे सारी देह आक्ख इ हुंदी तां सुणना किता ते हुंदा? जे सारी देह कान्न इ हुंदी, तां सुंघणा किता ते हुंदा? पर सचमुच परमेशरे अंगाँ जो अपणिया इच्छा रे मुतावक इक-इक करीने देहा च रखया। जे सै सारे इक इ अंग हुन्दे, तां देह किति हुन्दी?