Popular Bible Verses from 1 कुरिन्थियों 11

Share

इसा इ रितिया ते तिने तिसते बाद कटोरा बी लया कने गलाया, “ये कटोरा मेरे खून्ना च नई वाचा ई: ताहली जे कदीं पीओ, तां मिन्जो याद करने खातर येढ़ा इ करया करा।” काँह्भई ताहली जे कदीं तुहें ये रोटी खांये कने इस कटोरे चते पींये, तां तुहें प्रभुये रे औणे तक तिसरिया मौती रा प्रचार कराँ ये।

काँह्भई मैं सै जे प्रभुये ते पाया सैई तुहां तक पहुँचाया: भई प्रभु यीशु तिसा राति जे पकड़वाया गया, रोटी लई, कने धन्यवाद करीने सै तोड़ी कने तिने बोल्या, “ये मेरी देह इ, सै जे तुहां खातर इ : मिन्जो याद करने खातर येढ़ा करया करो।”

इस खातर माहणु अप्पूँजो परखी लौ कने इसा रितिया ते इसा रोटिया चते खाओ, कने इस कटोरे चते पीओ। काँह्भई सै जे खान्दे-पीन्दे बगता प्रभुये री देहा जो नीं पछयाणो, तिसरे इस खाणे कने पीणे ते परमेशरा तिसजो सजा देणी।

इस खातर सै जे कोई गल़त तरिके ने प्रभुये री रोटी खाओ या तिसरे कटोरे चते पीओ, तां सै प्रभुये री देह कने खून्ना रा दोषी हूणा।

तुहें मेरे साई चाल चला, तियां जे हऊँ मसीह रे साई चाल चलां।