Popular Bible Verses from यूहन्ना 6

Share

यीशुए तैन सेइं ज़ोवं, “ज़िन्दगरी रोट्टी (ज़ै ज़िन्दगी देनेबाली रोट्टी) अव्वें आईं, ज़ै मीं कां एजते तै कधी निअन्नो न भोल्हो, ते ज़ै मीं पुड़ विश्वास केरेलो तै कधी ट्लिशोरो न भोल्हो।

परमेशरेरी आत्मा त ज़िन्दगी देनेबालीए, मैन्हु केरि ताकती सेइं किछ न केरोए, ज़ैना गल्‍लां मीं तुसन सेइं ज़ोई तैना परमेशरेरी आत्मारे तरफां आन ते तैना ज़िन्दगी भी आन।

नाश भोने बैली रोट्टरे लेई मेहनत न केरा। पन तैस रोट्टरे लेई मेहनत केरा ज़ै हमेशारी ज़िन्दगी देतीए, ज़ै मैन्हेरू मट्ठू यानी अवं तुसन देइलो, किजोकि बाजी परमेशरे मीं एन्च़रां केरनेरो अधिकार दित्तोरोए।”

किजोकि मेरे बाजेरी मर्ज़ी ईए कि ज़ै कोई मट्ठे हेरे ते तैस पुड़ विश्वास केरे, तैस हमेशारी ज़िन्दगी मैल्हे, ते अवं तैस आखरी दिहैड़ी फिरी ज़ींतो केरेलो।”

यीशुए तैन जुवाब दित्तो, “परमेशर तुसन करां एन कम चाते कि तुस तैस पुड़ यानी मीं पुड़ विश्वास केरा ज़ैनी अवं भेज़ोरोईं।”

ज़ैन किछ बाजी मीं देते तैन सब किछ मीं कां एजनूए, ते ज़ै कोई मीं कां एज्जेलो अवं तैस ज़रूर कबूल केरेलो।

शमौन पतरसे तैस जुवाब दित्तो, “हे प्रभु अस केस कां गाम? हमेशारी ज़िन्दगरी देने बैली गल्‍लां त तींए कां आन।

ज़िन्दगरी रोट्टी ज़ै सुर्गेरां एवरीए अव्वें आईं। अगर कोई इस रोट्टी मरां खाए, त हमेशा ज़ींतो रालो, ते ज़ैस रोट्टी सेइं दुनियारे लोकन हमेशारी ज़िन्दगी मैलचे, तैन मेरू मासे।”

कोई मीं कां न एज्जी बटे ज़ांतगर बाजी, ज़ैनी अवं भेज़ोरोईं, तैस मीं कां न आने, ते अवं तैस आखरी दिहैड़ी फिरी ज़ींतो केरेलो।

किजोकि ज़ै रोट्टी परमेशर देते, ते तै ईए ज़ै सुर्गेरां एइतां दुनियारे लोकन ज़िन्दगी देतीए।”

ज़िन्दगरी रोट्टी (ज़िन्दगी देनेबाली रोट्टी) अव्वें आईं।

तैखन यीशुए रोट्टी ट्लेइ ते शुक्र केरतां बिशने बालन दित्ती, ते तेन्च़रे मेछ़लीन मरां भी ज़ेत्री तैना चातो थियो बेन्टी। ज़ैखन तैना खेइतां रज़्ज़े त तैनी अपने चेलन सेइं ज़ोवं, “बच़ोरे टुक्ड़े अकोट्ठे केरा, ताके किछ शारू न गाए।”

ज़ैखन तै लगभग ट्लाई च़ेवरे मील नेड़े अव, त तैनेईं यीशु समुन्दरे पुड़ च़लतो लाव ते किश्तरे नेड़े एइतो लाव ते डरे। पन यीशुए तैन सेइं ज़ोवं, “अवं आईं डरा न।”