Popular Bible Verses from यूहन्ना 5

Share

अवं तुसन सेइं सच़ ज़ोताईं ज़ै मेरू वचन शुन्तां मेरे भेज़ने बाले पुड़ विश्वास केरते, हमेशारी ज़िन्दगी तैसेरीए, ते तैस पुड़ सज़ाहरो हुक्म न भोए, बल्के तै मौतरां पार भोइतां हमेशारे ज़िन्दगी मां दाखल भोते।”

यीशुए तै तैड़ी बिशोरो लाव ते एन ज़ैनतां कि ऐह बड़ो च़रोकनो इस हालती मांए, ते तैस पुछ़ू, “कुन तू ठीक भोनू चातस?”

तुस पवित्रशास्त्रे मां एन पढ़तथ, किजोकि तुस सोचतथ कि हमेशारी ज़िन्दगी तैस मां मैलतीए, तै ईए, ज़ै मेरे बारे मां गवाही देते। फिरी भी तुस हमेशारे ज़िन्दगी हासिल केरनेरे लेई मीं कां न एजनू चाथ।

यीशुए तैस सेइं ज़ोवं, “उठ अपनि खट सल्‍ल ते च़ल फिर।” तै मैन्हु तैखने ठीक भोव, ते अपनि खट छ़ुइतां च़लने फिरने लगो।

यीशुए तैन सेइं ज़ोवं, “अवं तुसन सेइं सच़-सच़ ज़ोताईं, मट्ठू यानी अवं एप्पू किछ न केरि बेटि, सिर्फ तैन ज़ैन बाजी परमेशरे करां केरतू लहताईं, किजोकि ज़ैना-ज़ैना कम्मां बाजी करां केरतो लहते तैन मट्ठू भी तैस्से तरीके सेइं केरते।