Popular Bible Verses from Aroma 5

Share

Nanso Nluku honithoonyera nifento nawe toko cinikhwenlyawe Kristu, ni hi ninaryene anatampi.

Ni nwehereryo khunnipattihaca ihaaya, maana nifento na Nluku niheettheliya munrimani mwihu mwa Nnepa Nttakattifu uvahiyehu.

Ni woohikhala yeeyoru, nanso ninawiittottopa yaniphwanyaka mahuviho, nicuwelaka wiira mahuviho ayo anwiiha uvilela; ni uvilela nwo unwiiha makhalelo oorera, ni makhalelo oorera ayo anwiiha nwehereryo.

Vano ninavaheriyene isariya nlattu wo nroromelo, nihaana mpuha ni Nluku mwa Apwiy'ehu Yesu Kristu. Yaayo aniphwanyihile ihathuwa, munroromeloni, wo nenna nnema nna ninnivaha ikuru, ni ninawiittottopa, niwehereryaka nttittimiho na Nluku.

Maana hi ninaryene ootteetthya, waaphilyaya ukati, Kristu hokhwa nlattu wa anatampi.

Ukhala wiira nna va, nihovaheriya isariya ni iphome awe, utepa n'upwaha yooyo naahala unoopola uviruwa wa Nluku.

Toko enci ciheliyaya ukhala anatampi nlattu woohiiwelela wa ntthu mmoca, ciicammo enci anaahala uvaheriya isariya nlattu wo wiiwelela wa ntthu mmoca.

Ni woohikhala yeeyo paahi, nanso ninawiittottopa mwa Nluku ni mwa Yesu Kristu Pwiy'ehu, yooyo naataanihile.