Popular Bible Verses from Aroma 6

Share

Kontha ncahara wo'tampi uri ukhwa, nanso ivahiya ya Nluku uri ukumi woohimala, mwa Apwiy'ehu Yesu Kristu.

Kontha itampi khinhala wuuthawalani, maana khannohooleliya tho ni Nlamulo, nanso nnohooleliya ni nnema.

Maanaya mupattisoni nihokhwa n'usikhiya ni yooyo. Toko Kristu cunwelenlyawe mwa atthu ookhwa nlattu wo nttittimiho na athumwane, ni hi ciicammo neette mukumini wonaanano.

Nhivaherere miphantte co'rutthu cinyu ntampini toko ikaruma coopankela citthu coohi isariya, nanso mwiivaherere wa Nluku, toko ntthu turuwile wuukhwani awaaka wukumini, ni munvaherere miphantte co'rutthu cinyu, toko ikaruma co'sariya.

Kontha nihocuwela wiira makhalelo ehu okhalayi ahokhomeliya ni uyo wansalapani, waacera irutthu yo'tampi ikwanyulaciye wiira nihikhale tho ipottha yo'tampi.

Vano nyu mwiicaalikelele wiira nri atthu owuukhwelelani itampi, commo nri akumi wa Nluku, mwa Yesu Kristu.

Vano ninhala wiira cani? Nipwaherereke upanka itampi wiira nnema nuncererye? Mena vakani! Hi ihonikhwelela itampi, ninhala ukhala cani nanlelo ntampini?

Khannocuwela wiira nyu mweevahereraka unvarela nteko ntthu mmwiiwelelaka, nnothatuwa ipottha awe? Vano nyu mwavarelaka nteko itampi nnaakhwa, nanso ale ammwiiwelela Nluku anaavaheriya isariya.

Vano kinaansukuru Nluku, mwaahookhalaru ipottha co'tampi, nhottharihelela ni nrima enyu wothene coosomihinya cihimeriyenyu. Nyu nhotaphuliya ntampini ni nhothatuwa ipottha co'sariya.