Popular Bible Verses from Aroma 4

Share

Wanookhalaru commo, khaakanyacile yookhuluvelihiya ya Nluku, nanso aholipiheriya munroromeloni mwawe ni ahonttittimiha Nluku, kontha Aparahamu ahokupali wiira Nluku aanhala uttharihelela itthu yaakhuluvelihilyawe.

Toko cantikhiyaya wiira: Mi kihoohela ukhala athumwanaya ilapo cinci. Uyo ri athumwanihu wamiithoni wa Nluku nkupanlyawe, Nluku naavaha ukumi atthu ookhwa ni neehana citthu cahaariwo apankaka toko cahaawo.

Yooyo vahereriye wuukhwani nlattu wa cookosa cihu ni onwelenle nlattu wo'sariya cihu.

Vano Aparahamu ahaana nroromelo ni nwehereryo, hata yaanoohikhalaru inanna yoowehererya, phimaana ahokhala athumwanaya ilapo cinci, toko cihimilyawe Nluku wiira: Commo phinhalaya ukhala nloko naa nno.

Phimaana yookhuluvelihiya inkhuma munroromeloni, wiira wiirannye toko ciryaya nnema, ni commo unethi wothene wa Aparahamu ukhuluvele, woohikhala paahi ale aneettela Nlamulo, nanso ciicammo ale arina nroromelo narinawe Aparahamu. Kontha Aparahamu ri athumwanihu othene.

Horeriya ule, noleveleliya coonanara cawe, ni cifuttiyaka itampi cawe. Horeriya ntthu hinaalikeleliya itampi cawe na Apwiya.

Vano, cowantikhiya cittakattifu cinhimyani? Aparahamu honkupali Nluku, phimaana ahovaheriya isariya.