Popular Bible Verses from Roma 3

Share

Soalnya samua orang so beking dosa, kong samua orang pe hidop so jao dari tu Tuhan Allah pe tujuan yang luar biasa tu hidop butul sama deng Dia. Cuma Tuhan Allah pe sayang yang Dia se tunjung deng cuma-cuma tu bole beking torang jadi butul di muka pa Dia, lantaran torang so percaya pa Kristus Yesus yang so tubus manusia dari samua dosa.

orang bole jadi butul di muka pa Tuhan Allah lantaran percaya pa Yesus Kristus. Itu mo jadi pa samua orang yang percaya lantaran Tuhan nyanda pili-pili orang.

Tuhan Allah utus Yesus ka dunia supaya Dia dapa hukuman; Dia mati kong De pe dara tacura. Tuhan Allah beking bagitu supaya Yesus ganti manusia yang berdosa. So lantaran itu, sapa yang percaya pa Yesus, dia itu jadi butul di muka pa Tuhan Allah. Itu kase tunjung kalu Tuhan Allah itu adil. Soalnya dulu Dia so sabar sampe Dia kase biar pa manusia yang ja beking dosa. Mar skarang Yesus mati ganti pa torang for jadi bukti kalu Tuhan Allah itu adil. Deng bagitu Tuhan Allah kase tunjung kalu Dia itu butul, deng Dia beking jadi butul tu orang yang percaya pa Yesus.

Soalnya nyanda ada satu orang yang Tuhan anggap butul di muka pa Dia lantaran tu orang itu da iko tu atoran-atoran di kitab Taurat. Mar Tuhan kase tu atoran-atoran itu supaya torang tau kalu torang ja beking dosa.

Sama deng tu da tatulis di Kitab Suci bagini, “Nyanda ada orang yang hidop butul, biar lei cuma satu. Nyanda ada orang yang mangarti tu butul, biar lei cuma satu. Nyanda ada orang yang cari pa Tuhan Allah. Samua orang pe hati so jao dari pa Tuhan Allah, dorang pe hidop so nyanda ada de pe guna. Kong nyanda ada orang yang beking tu bae, biar lei cuma satu.”

Soalnya torang yakin kalu Tuhan Allah beking torang jadi butul di muka pa Dia cuma lantaran torang pe percaya, bukang lantaran torang da beking tu atoran-atoran di Kitab Taurat.

Tantu katu nyanda, Tuhan tetap mo setia pa De pe perjanjian. Tuhan Allah slalu butul biar lei samua orang pangbadusta. Tuhan Allah itu butul sama deng tu da tulis di Kitab Suci, “Samua tu Dia da bilang itu butul, kong kalu ada yang mo adili pa Dia, Dia pasti menang.”