Popular Bible Verses from Roma 2

Share

Jadi ngoni yang babilang pa orang laeng kalu dorang pantas Tuhan mo hukum, jang ngoni pikir kalu ngoni mo bebas dari Tuhan Allah pe hukuman, lantaran ngoni lei ja beking tu hal-hal jaha sama deng dorang. Tuhan Allah itu pangsayang, Dia itu sabar deng Dia pe hati bae, mar biar bagitu torang jang pandang enteng kong bilang pa torang pe hati, “Kita nyanda usa roba kita pe kalakuan.” Ngoni inga jo, Tuhan pe hati bae bagitu pa torang supaya torang bole bertobat.

Sudara-sudara, Tuhan memang mo hukum tu orang-orang yang ja beking tu hal-hal jaha, mar ngoni nyanda ada alasan mo adili tu orang-orang itu lantaran ngoni sandiri lei ja beking hal-hal jaha. Jadi kalu ngoni babilang pa dorang, dorang itu pantas Tuhan mo hukum, itu sama jo deng ngoni hukum pa ngoni pe diri sandiri.

Soalnya Tuhan Allah nyanda ja bapili-pili orang.

Soalnya orang-orang yang butul di muka pa Tuhan Allah, bukang orang-orang yang cuma badengar tu atoran-atoran di kitab Taurat, mar yang da iko tu atoran-atoran itu.

Dia mo balas pa tiap orang iko apa tu orang-orang da beking.

Mar ada lei tu orang-orang yang cuma hidop for dong pe diri sandiri. Dorang nimau iko Tuhan Allah pe ajaran yang butul, dorang tare cuma suka ja beking tu jaha. Tuhan Allah mo mara skali pa dorang.

Mar ngoni ini kapala batu, ngoni nimau bertobat. So itu ngoni sandiri yang beking ngoni pe hukuman tatamba brat di hari kiamat, tu waktu yang Tuhan Allah mo kase tunjung De pe mara deng mo kase hukuman yang adil pa samua orang.