Popular Bible Verses from Wahyu 9

Share

Taan sé tou walina sé ra'ica imaté ing kawangkuran itu, ra'- ica kiim mape'dis mengéma-ngéma' sé léwo'. Séra ka'i ra'ica kiim mento' makuru en sumiri' a sé roh léwo' wo a sé patong-patong tanumai patong mas, pérak, tambaga, watu wo kayu sé ra'ica maséré, malinga, kuma'pa ka'i mawaya'. Séra ka'i ra'ica kiim mape'dis mengéma-ngéma' sé léwo' walina tanumai mapaté tou, mariara, mabersina wo marombit.

Wo asi tembur itu owo kumesotai sé komo-komong wo tumumpa ang kayo'baan. Wo sé komong itu winéan kawasa eng kumi'ci' tanuoka ing kame'nget im paki'ciin é kalajengking ang kayo'baan. Sé komong itu ka'i pinerénta ra'ica toro luméwo' in dukut, in tina-tinanem kuma'pa in tuu-tuura ing kayu ang kayo'baan, taan asalo sé tou sé an tuintung éra ra'ica wana ségél i Amang Kasuruan.

Wo sengono i malaékat kalima en terompétna, wo sérénku si esa sumesendot an langit owo rumongkorai ang kayo'baan. Wo si sumesendot itu winéan ing kukusi' e muka' im papalen pauntepan ang kepal im papaté.

Wo sé komong ra'ica winéan kaloasan e maté sé tou itu, taan asaloke' mai mokoi séra lima ngaserap eng kauréna. Wo eng kame'nget ing kini'ci' éra meputé ing kame'nget ing kini'ci' é kalajengking.

Wo séra awéan kolano si maperénta, siao si malaékat mengatéir ing kepal im papaté. E ngaran i colano itu “Abadon” a nunuwu' é Ibrani, wo “Apolion” a nunuwu' é Yunani.