Popular Bible Verses from EVASELIO A MATEO 15

Share

Kae ko te mea ae e mavae mai te gutu e hau mai te loto, pea ko te mea aia e ina ulihi te tagata. Koteuhi ko te loto ae e mavae mai ai te u manatu kovi, te u fakapo, te u tono, te u faikovi, te u kaihaa, te u fakamooni loi, te u fasituu.

E mole ko te mea ae e ulu ki te gutu e ina ulihi te tagata; kae ko te mea ae e mavae mai te gutu e ina ulihi te tagata.

E fakaapaapa te hahai aeni kia au i onatou laugutu, Kae e mamao onatou loto ia au. E maumau noa tanatou fakavikiviki kia au, Koteuhi e natou tuku ni lekula fakatagata o hage ko ni pelesepeto mai a au.

Pea nee ui leva e Sesu kia ia: Fafine, e lahi tau tui; ke fai kia koe o hage ko te mea ae e ke loto ki ai. Pea nee mauli leva tana taahine i te hola pe aia.

Kae nee hau leva te fafine o tulolo i ona mua, o ui: Aliki, tokoni mai kia au! Nee tali leva e Sesu: E mole lelei ke too te pane a te u fanau, o laku ki ni uhii kuli. Nee tali leva e te fafine: Io, Aliki, kae e kai e te u uhii kuli te u eveeve ae e maluku mai te laupapa o onatou pule.