Popular Bible Verses from Numelo 14

Share

Ko leia fua, ke aua na kotou agatuu ki le Eteleno ti ke aua na kotou i ki le kakai o le fenua lena, talie e tou kai loa latou i se maaga e tasi. Kua leaise malu fua leia ke lotou fakamalumalu ai, kae e nofo le Eteleno mo tatou, aua na kotou i kia latou.

E kataki fualoa le Eteleno, ti e apele a ia i le manava alofa, ti e fakamolemole e ia a agasala mo patigataa ; kae e leaise fakatonuia e ia le tagata agasala, ti e tautea e ia a agasala o tamana ki vosa o kaku ki le tolu mo le fa o tautupu.

Kapau e loto malie le Eteleno kia tatou, ti e fakaulu loa e ia tatou ki le fenua leinei, ti e soli mai loa e ia le fenua leinei kia tatou : Ko se fenua a ia e sali ai le sua manu mo le sua meli.

Kae ko laku tagata fakasausau ko Kalepo, talie na nofo iate ia se laumalie kese, ti na mulimuli katoa a ia i loku ala, e kau fakaulu loa a ia ki le fenua leia na ano ki ai, ti e maua loa a ia e lona sakoga.

Pati kia latou : E kau mauli ! e pati le Eteleno, e kau fai loa o mulimuli ki akoutou masau ala na logo ki ai oku taliga.

Ti na pati loa le Eteleno kia Moisese : E kaku loa kiafea le fakamamae o loku loto e le kakai leinei ? E oki loa afea lana tuigataa kiate au, logo ai a fakamailoga fuli o loku mafimafi ala kua kau fakatio a ia ki ai ?

Na lalau loa fanau fuli o Iselaele kia Moisese mo Alone, o pati : Felaaki ake na motou mate i le fenua o Esipito ! Felaaki ake foki na motou mate i le toafa !

Ti ko Sosue, vosa o Nune, mo Kalepo, vosa o Sefune, ia latou fuli ala na tio i le fenua, na sae ia loa ola kofu, ti na la masau loa ki le kakai katoa o Iselaele, o pati : Ko le fenua leia na motou takai o tioi, ko se fenua malie ai.

Kae e kau mauli ! ti e fakaapele loa e le kololia o le Eteleno le malama nei katoa ! Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo, e leaise lotou tio loa ki le fenua leia na kau fakapapau ki olatou tamana ke soli kia latou ; io, e leaise lotou tio loa ki ai, latou fuli ala na tiaki ia au.